Svíþjóð er á lýðfræðilegri þróun sem, að sögn sumra fræðimanna, gæti endað með ofbeldisfullum átökum. Kyösti Tarvainen, dósent í stærðfræðilíkönum við tækniháskólann í Helsinki, telur að ef núverandi innflytjendastig, frjósemismunur og menningarleg skipting halda áfram, sé hætta á að landið renni í átt að borgarastyrjöld innan nokkurra kynslóða. Á sama tíma benda tölfræði Hagstofunnar á dramatískar breytingar á samsetningu íbúa – þar sem sænskfæddir eru þegar í minnihluta meðal ungs fólks í mörgum borgarhverfum og íslam vex hraðar en nokkur önnur trúarbrögð. Þetta er seinni hluti greinarinnar. Fyrri hlutann má sjá hér.
Kyösti Tarvainen er með meistaragráðu í verkfræðilegri eðlisfræði frá Tækniháskólanum í Helsinki og doktorsgráðu í kerfis- og stýriverkfræði frá Bandaríkjunum. Hann hefur lengi verið virkur dósent í stærðfræðilíkönum bæði við Tækniháskólann í Helsinki og Háskólann í Helsinki. Árið 2009 hóf hann að beina vísindalegri áherslu sinni að lýðfræði eftir að hafa tekið eftir langtímaáhrifum innflytjenda á íbúasamsetningu Norðurlandanna.
Hlutverk ESB og framtíðarvalkostir
Samkvæmt Tarvainen hafa Svíþjóð og önnur Norðurlönd takmarkað svigrúm samkvæmt núgildandi reglum ESB. Hann vísar til hollensku rannsóknarinnar á fólksflutningum frá árinu 2023 sem sýnir að aðildarríkin hafa aðeins takmarkaða stjórn á innflutningi flóttamanna og fjölskyldusameiningu.
Hann bendir á að svokölluð Rúanda-áætlun (byggð á fyrirmynd frá Danmörku og Bretlandi) gæti verið valkostur til að draga úr kostnaði og áhrifum á samfélagsgerðina. Rúanda-áætlunin er flóttamannasamningur þar sem hægt er að senda hælisleitendur sem hafa komið ólöglega til Bretlands til Rúanda til að fá mál sín tekin fyrir – og hugsanlega setjast þar að til frambúðar. Áætlunin miðar að því að stöðva smygl á fólki og fæla frá ólöglegum ferðum yfir landamærin.
Í apríl 2024 samþykkti breska þingið lög sem flokkuðu Rúanda sem öruggt þriðja land, sem lagði grunninn að fyrstu áætlun brottvísana 2025.
Danmörk hefur einnig samið við Rúanda um svipað fyrirkomulag og breytti útlendingalögum sínum árið 2021 til að gera hælisumsókn mögulega í þriðja landi. Formlegur samningur hefur ekki enn tekið gildi, en málið nýtur víðtæks stuðnings á danska þinginu.
Þvingandi brottvísun nauðsynleg
Árið 2024 skrifaði Tarvainen um möguleika á skipulögðum heimflutningi ákveðinna þjóðfélagshópa. Samkvæmt honum eru sjálfboðaliðaáætlanir ekki nægjanlegar til að „endurheimta jafnvægið.“
„Úrsögn úr flóttamannasamningi Sameinuðu þjóðanna, stöðvun á innflutningi fjölskyldna frá löndum utan Evrópu, sértæk innflytjendastefna svipuð og í Japan og almenn stöðvun á innflutningi múslima.“
Hann telur að flutningur íbúa – með fjárhagslegum stuðningi – geti verið nauðsynlegt skref til að varðveita norræna menningu og meirihluta íbúa, en að það sé ekki nóg. Taka verður upp þvingandi brottvísanir.
Þessar tillögur hafa vakið hörð viðbrögð en að sögn Tarvainen byggja þær á stærðfræðilegum líkönum fremur en hugmyndafræðilegum kenningum.
Lýðfræðin er þegar útkljáð – sama áframhaldandi stefna mun leiða til átaka
Sænski valkostamiðillinn Samnytt hafði samband við Kyösti Tarvainen í Helsinki. Tarvainen leggur áherslu á að lýðfræðilegar breytingar í Svíþjóð séu ekki lengur bara vangaveltur. Þróunin er tölfræðilega sönnuð, stefnan skýr og ómögulegt að afneita henni út frá fyrirliggjandi staðreyndum.
„Margir telja að innflytjendur muni aðlagast eins og finnskir innflytjendur gerðu áður fyrr sem telja sig í dag vera Svía, en það mun ekki gerast til dæmis hvað varðar múslíma. Þeir kjósa að skapa eigin ættarveldi.“
Samnytt spyr hvernig hann líti á þá staðreynd að sænskir stjórnmálamenn og flokksleiðtogar, eins og Mona Sahlin, hafi áður sagt að Svíar verði að aðlagast innflytjendum. Til dæmis sagði hún í viðtali við sænska útvarpið P1 þann 17. maí 2001:
„Svíar verða að samlagast hinni nýju Svíþjóð, gamla Svíþjóð kemur ekki til baka.“
Kyösti Tarvainen svarar:
„Sænsk menning er einstök og hana verður að varðveita. Hinn norrænai menningarheimur er einstakur og þarf að varðveita.“
Er einhver vendipunktur þegar ekki er lengur hægt að breyta eða snúa þróuninni við?
„Já, þetta verður erfiðara og erfiðara ef ekkert er að gert. Ég hef áður skrifað um nauðsyn þess að margir innflytjendur fari aftur heim bæði af frjálsum vilja og einnig þvingandi brottvísun. En það krefst mjög öflugra og afgerandi pólitískra aðgerða.“
Heldurðu að það muni gerast?
„Ég vona að tíðarandinn breytist. Við sjáum þetta í Bandaríkjunum og þetta er líka farið að gerast í Evrópu. Það gefur von að undirbúningur sé hafinn að vísa þessu fólki á brott með svo framandi menningu í samanburði við okkar. Ef fjöldi innflytjenda heldur áfram að aukast mun það leiða til alvarlegra átaka.“
Samtímis segir hann að mistök innflytjendastefnunnar séu sköpuð af samfélögum okkar og því verðum við að bera ábyrgð á og tryggja að hægt sé að senda innflytjendur aftur til sínsheimalands.
Hvernig lítur þú á tillögu sænsku ríkisstjórnarinnar og Svíþjóðardemókrata um að borga hverjum þeim sem samþykkir að snúa aftur til heimalandsins 350.000 sænskar krónur?
„Það mun ekki skipta miklu máli, þar sem ávinningurinn er svo mikill og styrkirnir svo háir í Svíþjóð. Þess vegna verður viðsnúningurinn að gerast með öðrum hætti, á öflugan og þvingandi hátt.“
Hvernig verður að búa í Svíþjóð sem Svíi, þegar Svíar eru komnir í minnihluta?
„Það verður mjög slæmt fyrir sænsku þjóðina. Eins og í Líbanon. Ofbeldi og átök.“
Tarvainen er einnig spurður, hvort hann líti á þá staðreynd að sænska ríkið, óháð stjórnvöldum eða vilja almennings, haldi áfram sömu stefnu í innflytjendamálum.
Getur þetta að lokum leitt til átaka milli þjóðfélagshópa og jafnvel vopnaðra átaka?
„Já, ég tel að það séu miklar líkur á því. Það gæti leitt til valdatöku hersins í kjölfar borgarastyrjaldar eins og í Frakklandi .“
Vilt þú segja eitthvað um að Stokkhólmsborg í höndum vinstri manna hefur borgað 13,3 milljónir sænskra króna í styrk til byggingar stærstu mosku Skandinavíu í Skärholmen?
„Þetta er brjálæði. Að þið styðjið menningu sem gengur þvert gegn ykkar eigin menningu er vitfirring.“