Cracker Barrel hefur verið eitt vinsælasta vörumerkið í Ameríku í áratugi. veitingahúsa- og búðarkeðja með suðrænum stíl staðsett við hraðbrautir í Bandaríkjunum. En vók kemur efnahagnum í mók. Í síðustu viku var ímynd fyrirtækisins breytt sem skapaði mikla reiði meðal almennings. Hlutabréf fyrirtækisins féllu 15% á þremur dögum og 100 milljónir dollara hurfu upp í reyk. Fara verður aftur til vælubreytinganna á ímynd Budweiser bjórsins sem setti fyrirtækið næstum á hausinn. Vandinn er sem sagt djúpstæðari en útlitið.
Robby Starbuck er með þátt um málið (sjá YouTube að neðan). Hann segir:
„Hér eru helstu atriðin sem þú þarft að vita. Velkomin á eyðileggingu vörumerkis 101:
- Cracker Barrel hefur fjármagnað Pride viðburði „allra aldurshópa“ í mörg ár eins og Nashville Pride og Third River City Pride.
- Cracker Barrel vann með öfgavinstri samtökum HRC og hefur að sögn styrkt viðburði þeirra í 10 ár. Þeir komu til dæmis með fulltrúa HRC á höfuðstöðvar sínar í Tennessee til að þjálfa transfólk og nota hugtök. Við höfum sett inn myndir af þessu í myndbandið. HRC styður kynbreytingar barna og að karlar noti kvennaklósett. Þeir vinna að því að staðla/lögleiða þessa hluti og þeir vinna að því að þvinga transhugmyndafræði inn á vinnustaði.
- Cracker Barrel vann með hópi sem kallast Conexión Américas að fjölbreytileika, jafnrétti og inngildingu DEI, diversity, equity and inclusion. Þessi hópur aðstoðar ólöglega innflytjendur og útvegar þeim lögfræðinga og framkvæmdastjórinn andmælir brottvísunum forseta Trumps.
- Cracker Barrel styrkti Jöfn úr skápnum verkefni LGBTQ og hélt námskeið um hvernig Cracker Barrel hefði náð árangri með því að styðja LGBTQ+ málefni. Þessi hópur vinnur að því að koma kynferðislegu efni og hugtökum inn á vinnustaði.
- Cracker Barrel hlaut fyrstu verðlaun Out & Equal árið 2018 og þeir unnu verðlaun LGBT viðskiptaráðsins í Nashville fyrir „Fjölbreytni fyrirtækja.“
- CB bjó til sérstaka birgjaáætlun til að auka „fjölbreytileika“ meðal birgja. Fyrir flesta þýðir það einfaldlega að færri hvítir fái störf.
- Dreifði bæklingum fyrir Út úr skápnum dagsins í höfuðstöðvum þeirra í Tennessee ásamt bæklingi um stuðning við „ÆSKU LGBTQ“ til að skapa „örugg svæði“ á vinnustöðum sem eru laus við „gagnkynhneigðar eða kynbundnar athugasemdir og gjörðir.“
- CB hefur marga starfsmenn sem einbeita sér að fjölbreytileika, jafnrétti og inngildingu.
- CB hafði regnbogafána á skrifstofu fyrirtækisins.
- CB rak áróður meðal starfsmanna sinna og á vefsíðu sinni fyrir Stonewall óeirðunum en Stonewall Inn er sagt vera í eigu mafíunnar og mikil fíkniefnasala þar ásamt vændissölu unglinga til eldri karla.
- Starfsmaður Cracker Barrel var í viðskiptaráðgjafarnefnd HRC.
- Hefur starfshópa á skrifstofunni skiptum eftir kynþætti og kynhneigð.
- Algjör skuldbinding við fjölbreytileika, jafnrétti og inngildingu.
- CB hefur haft MARGA aðgerðasinna sem knýja þessa öfga vinstri stefnu, þar á meðal yfirmann þjálfunar og stjórnunar, framkvæmdastjóra og stjórnarmann sem á fjölmenningar ráðgjafarfyrirtæki.
Vægast sagt, þá hefur Cracker Barrel gleymt því, hverjir helstu viðskiptavinir þeirra eru. Það er kominn tími til að við minnum þau á það.“
Robby spyr: „Viltu fjármagna fólk eða fyrirtæki sem hata gildi þín? Það er kominn tími til að minna þau á hverjir viðskiptavinir þeirra eru.“
Á þremur dögum hrundu verðbréf fyrirtækisins um 15%. Sjálfsagt er hrunið mun stærra núna, þegar þessi frétt er rituð. Robby segir að það þurfi að upplýsa neytendur um stefnu fyrirtækisins svo hægt sé að endurreisa geðheilsuna. Hann þakkar stuðning við að breyta stefnu eftirfarandi fyrirtækja:
„Tractor Supply, John Deere, Harley Davidson, Polaris, Indian Motorcycle, Lowe’s, Ford, Coors, Stanley Black & Decker, Jack Daniels, DeWalt tools, Craftsman, Caterpillar, Boeing, Toyota, Walmart, McDonald’s, Target, Accenture, Pepsi, Gatorade, Rockstar Energy, AT&T, Constellation Brands, Reynolds Tobacco og MÖRG FLEIRI! Við erum afl sem þarf að reikna með og við munum ekki hætta fyrr en vókinu er útrýmt.“
Smelltu á spilarann að neðan til að heyra boðskap Robby Starbucker: