Orðaskiptin ofurhitnuðu á ESB-þinginu á milli Ursula van der Leyen, forseta framkvæmdastjórnarinnar, og Viktors Orban, forsætisráðherra Ungverjalands. Leyen sakaði Orban um að „skemmta sér með Pútín“ og var gagnrýnd fyrir að dreifa dæmigerðum „vinstri lygum.“
Í ávarpi sínu sem fulltrúi Ungverjalands sem fer með formennsku ESB til áramóta, þá gagnrýndi Viktor Orban forsætisráðherra Ungverjalands, leiðtoga annarra aðildarríkja og framkvæmdastjórn ESB fyrir að vilja ekki binda enda á stríðið í Úkraínu. Mannfall er svo mikið að rætt er um „ kjötkvörn.“ Orbán gagnrýndi þá þrjósku að neita hvers kyns samtali við Vladimír Pútín Rússlandsforseta.
Ursula von der Leyen, útilokaði allar friðarumræður við Pútín til að binda enda á slátrunina á vígvellinum. Hún sakaði ungverska forsætisráðherrann að „gamna sér með Pútín sem hafi opnað dyrnar fyrir rússneskum áhrifum í ESB og væri svik við ungversku þjóðina.
Leyen skautaði fram hjá spurningunni um hversu mörgum þarf að slátra til viðbótar og hversu mikla samfélagslega eyðileggingu fólk þarf að sætta sig við áður en byrja megi að tala um frið. Í staðinn sló hún föstu að ESB þyrfti að ausa enn meira af skattfé aðildarríkjanna og vopnum yfir Úkraínu til að „sigra Rússa.“
Innrás Sovétríkjanna í Ungverjaland og Tékkóslóvakíu
Á frekar ósmekklegan hátt líkti hún Úkraínu í dag við innrás Sovétríkjanna í Ungverjaland 1956:
„Myndu þeir einhvern tímann kenna Ungverjum um innrás Sovétríkjanna 1956? Eða Tékkum og Slóvökum fyrir kúgun Sovétríkjanna 1968? Eða Litháum fyrir aðgerðir Sovétríkjanna 1991?“
Liðsmenn Úrsúlu klöppuðu ákaft og að sjálfsögðu var ekkert á það minnst að hin frjálsa „Evrópa“ lyfti ekki litla fingri til að aðstoða neitt þessara ríkja. Ræða Ursula von der Leyen er í heild á myndskeiðinu hér að neðan:
Vinstra fólk reitt yfir því að Orban ræði um frið í nafni ESB
Vinstra liðið sem fylkir sér um Úrsúlu von der Leyen er öskuillt yfir því, að Viktor Orbán hefur ferðast til Kænugarðs, auk Moskvu, Peking og Washington til að reyna að miðla friði í Úkraínu í nafni ESB. Reynir vinstraliðið að klína því á forsætisráðherra Ungverjalands að hann hafi ekkert leyfi til að ræða hugmyndir um frið í Úkraínu. Nýlega hvatti ESB Úkraína að nota langdregnar eldflaugar á skotmörk langt inni í Rússlandi svo ekki ríkir nú mikill friðarvilji í herbúðum vinstra liðsins.. Verið er að auka hergagnaframleiðslu enn meiri innan ESB svo hægt verði að drepa fleiri á komandi vikum og mánuðum.
Forsætisráðherra Ungverjalands lagði meðal annars áherslu á það í ræðu sinni að miklu meira yrði að gera til að stöðva ólöglegan innflutning til ESB. Fyrir það kallaði Úrsúla hann hræsnara og sakaði hann um að flytja inn Rússa til Ungverjalands sem væri „öryggisáhætta“ fyrir önnur aðildarríki ESB. Von der Leyen sagði:
„Þetta er ekki neitt sem verndar fullveldi Evrópu, í staðinn er verið að opna bakdyr fyrir erlend afskipti .“
Framkvæmdastjórn ESB orðin að pólitísku vopni
Í svari sínu gagnrýndi Orban forseta framkvæmdastjórnarinnar fyrir að hafa brotið siðareglur og venjur með því að ráðast á hann í því samhengi og skipuleggja nokkurs konar „heilagt stríð“ á þingi. Orbán sagði:
„Það er ekki rétt að koma þessum ágreiningi á framfæri, þegar við erum hér til að ræða um formennsku Ungverjalands. Það er óþarfi að koma með persónulegar árásir, þegar við erum að ræða málefni Evrópu…Við höfum 7 000 rússneska ríkisborgara í störfum í Ungverjalandi. Ursula von der Leyen er frá Þýskalandi. Hvað með Þýskaland? Hvernig er ástandið þar? Það eru 300 þúsund Rússar að störfum í Þýskalandi og þú ert að ásaka mig? Á Spáni vinna 100 þúsund Rússar og þú ert að ásaka mig. Í Frakklandi eru 60 þúsund Rússar og þú ert að ásaka Ungverjaland…. er það réttlátt?“
Orban sakaði framkvæmdastjórnina fyrir að vera í auknum mæli að „pólitísku vopni“ gegn ættjarðarvinum í sambandinu í stað þess að vera hlutlaus og einbeita sér að meginhlutverki sínu að vinna að og vernda sáttmála ESB. Orbán sagði:
„Allar þessar vinstri lygar um Ungverjaland eru bara pólitískur áróður.“
Sjáðu andsvar Orbán í heild sinni hér að neðan:
