ESB hefur ákveðið að innleiða sameiginlegt hámark fyrir reiðufjárgreiðslur innan sambandsins.
Frá og með 10. júlí 2027 verður ekki leyft að greiða með reiðufé fyrir vörur og þjónustu sem fara yfir 10.000 evrur, sem jafngildir um það bil 1.440.000 krónum. Hámarkið á við bæði um einstakar greiðslur og einnig ef margar færslur virðast vera sameiginlegar kaupum.
Samkvæmt vefsíðu ESB geta aðildarríki sett lægra þjóðlegt þak en aldrei hærra en 10.000 evrur. Takmarkanirnar gilda ekki milli einstaklinga sem ekki starfa faglega eða fyrir greiðslur eða innlán hjá bönkum og greiðslustofnunum. Sænskir bankar hafa takmarkað reiðufé í mörg ár og neita að taka við reiðufé nema í gegnum innlánsvélar þar sem hámarkið er um 10.000 sænskar krónur á viku, um 130 þúsund íslenskar.
Evrópusambandið segir takmörkun reiðufjár í umferð vera til að draga úr hættu á peningaþvætti og „fjármögnun hryðjuverka.“ ESB skrifar í fréttatilkynningu að ein ástæða sé sú að reiðufé skilji ekki eftir sig stafræn spor sem gerir mun erfiðara að rekja slíkar greiðslur en rafrænar.
Í lögum um peningaþvott er þess krafist, að fyrirtæki rannsaki viðskiptavin ef reiðufjárgreiðsla hans fari upp í eða yfir 5.000 evrur um 715.000 krónur.
Ákveðnir hagsmunaaðilar, eins og knattspyrnufélög og umboðsmenn þeirra, eru undanþegnir nýju reglunum enn sem komið er. Kröfurnar gætu engu að síður tekið gildi fyrir þá árið 2029.