Leiðtogar aðildarríkja ESB kepptust um að hylla hinn mikla herforingja ESB, Zelenský á hervæðingarfundi ESB í Brussel í gær. Kysstu þeir og klöppuðu stríðsherranum í slíkum mæli að fara verður aftur til Pride skrúðgöngunnar í Reykjavík í fyrrasumar til að fá sanngjarnan samanburð. Líklega á þessi kossasýning að sanna fyrir umheiminum að Zelenský nýtur óskoraðs traust þeirra sem útiloka friðinn, því áframhaldandi stríð er það eina sem er í spilunum eftir sneypuför Zelenskýs til Hvíta hússins. Einn þjóðarleiðtoginn á staðnum tók samt ekki þátt í þessari opinberu kossasýningu: Viktor Orbán, forsætisráðherra Ungverjalands.
Kossasenurnar voru gerðar ódauðlegar á kvikmynd og sendar út í beinni. Hittust leiðtogar ríkisstjórna ESB-landanna í Brussel til að skera upp herör í varnarmálunum með stórfelldri hervæðingu Evrópusambandsins sem lánar fé til verksins. Verða gerðar undanþágur frá reglum sambandsins um skuldir svo þeir sem skuldsettastir eru geti skuldsett sig enn frekar.
Volodymyr Zelensky, forseta Úkraínu, var heiðursgestur fundarins og var fagnað sem ósigrandi herforingja nýkominn úr sigrandi stríði við andstæðinginn í austri. Var hann hylltur með fagnaðarlátum og daðri, kossum og faðmlögum og stilltu þjóðarleiðtogarnir sér upp í biðröð til að fá að snerta herforingjann mikla fyrir framan myndavélarnar á meðan aðrir sperrtu eyrun og lyftu höfðum til að sjá sem best hreyfingar herforingjans um salinn.
Hér voru engir útsendarar Pútíns til að eyðileggja stemninguna eins og í Hvíta húsinu fyrir nokkrum dögum. Samstaðan hefði orðið 100% ef Viktor Orbán, forsætisráðherra Ungverjalands, hefði ekki eyðilagt allt með tali um frið.
Framundan er hervæðing Evrópusambandsins, kjarnorkuregnhlíf Frakklands, endurreisn þýsku stríðsmaskínunnar og Bretlandi kippt með í varnarbandalagið. Efnahag ESB er breytt í stríðsefnahag og framleiðslu beint yfir í hergagnaframleiðslu. ESB þéttir tökin á aðildarríkjunum og stríðið velkomið til að forma það ríki sem ýmsir telja að verði ekkert annað en fjórða ríkið.
NOW – In Europe, Ukraine's Zelensky is being applauded, shaken hands with, kissed, and hugged.pic.twitter.com/T9QB05iIcv
— Disclose.tv (@disclosetv) March 6, 2025