Evrópusambandið hefur opinberlega lögleitt leyfi fyrir notkun skordýra sem matarefni í brauð og kökur. Framkvæmdastjórn ESB samþykkti lögin og þau voru staðfest með undirskrift Ursula von der Leyen í janúar. Er um að ræða unnið mjölormaduft sem núna verður notað sem efni í matargerð á Evrópumarkaði.
ESB hefur lengi haldið því stíft fram að íbúar aðildarríkjanna og EES borði of mikið af kjöti. Hirðin í Brussel ætlar því að uppræta ósiðinn og útrýma kjöti í áföngum og þvinga skordýr ofan í maga íbúa þessara ríkja. TVP World greinir frá.
Markmið framkvæmdastjórnar ESB í loftslagsmálum er að draga úr losun gróðurhúsalofttegunda um 90% fyrir árið 2040 miðað við það sem var árið 1990. Forseti Íslands og Valkyrjurnar dásama þá vegferð og tæma skattkistur landsmanna á altari loftslagsguðsins.
Loftslagssnillingarnir hafa fundið út að landbúnaðurinn standi fyrir meira en tíu prósent af árlegri kolefnislosun. Það er notað sem ástæða til þvingandi pödduáts og einnig áts á gervikjöti sem framleitt er á rannsóknarstofum.
Skordýr eru „mikilvæg sem valkostaprótein“
Rafael Perez-Berbejal, yfirmaður nýrra matvæla hjá matvælaöryggis- og heilbrigðisdeild framkvæmdastjórnar ESB, DG SANTE, segir:
„Skordýr gegna mikilvægu hlutverki til að auka framboð og útvegun á valkostapróteinum.“
Lirfur í brauði og kökum
Loftslagpostularnir segja skordýr vera próteinrík og og innihalda hlutfallslega miklu meira prótein í þurrkuðu formi en búfé. Gallinn er bara sá að ytri beinagrind skordýra er úr kítíni sem meltingarfæri mannfólksins eru ekki gerð til að melta. Það getur því í sjálfu sér hindrað möguleika mannslíkamans til að taka til sín næringarefni eins og prótein og amínósýru, þannig að enginn veit hverjar afleiðingarnar verða, þegar kjötið verður fjarlægt af matarborðum framtíðarinnar.
Samkvæmt nýju reglunum má brauð innihalda fjögur grömm af mjölormum á hver 100g og 3,5 grömm af lirfum í 100g af kökum.
Verði ESB-þrælum að góðu.
