Tveir ESB-þingmenn létu hina nýju framkvæmdastjórn ESB fá það óþvegið og gagnrýndu brjálæðisvegferð ESB í átt að afiðnvæðingu Evrópu og þriðju heimsstyrjöldinni. Harald Vilimsky t.v. og Jorge Buxadé Villalba t.h. (Myndir Wikipedia).
Austurríski ESB-þingmaðurinn Harald Vilimsky sagði í ræðu á ESB-þinginu að Evrópusambandinu væri stjórnað af hópi stríðsglæpamanna sem færi í kolvitlausa átt og væru að leggja iðnaðinn í Evrópu í rúst. Hann er ekki eini þingmaðurinn sem hefur slíkar skoðanir. Þingfélagi hans Jorge Buxadé Villalba frá Spáni segir ESB haldið loftslagsmóðursýki og ritskoðunarsýki.
Austurríski þingmaðurinn Harald Vilimsky gagnrýndi framkvæmdastjórnina í umræðum tengdum skipun nýrrar framkvæmdastjórnar ESB. Vilimsky situr á ESB-þinginu fyrir Frelsisflokk Austurríkis og leggst gegn ESB-alræðisstjórn yfir Evrópu að hætti gamla Sovét. Hann sagði:
„Við höfnum þessari framkvæmdastjórn ekki með einu NEI – ekki með þreföldu NEI – heldur með fimmföldu NEI.“
„Vegna þess að þessi framkvæmdastjórn stendur fyrir fjöldainnflutningi fólks, hún stendur fyrir frelsisskerðingu, hún stendur fyrir stríðsæsingu – hún stundar afiðnvæðingu og hún mun leggja Evrópu í rúst!“
Að sögn Vilimsky hafa leiðtogar ESB brugðist kolrangt við. Þeir hefðu átt að spara peningana og aflétta reglugerðarfargani og skera niður embætti og nota peningana fyrir evrópska meðborgara.
„Það er hin rétta leið. Það sem þið eruð að gera er rangt.“
Annar ESB-þingmaður gagnrýndi framkvæmdastjórnarina, spænski meðlimurinn Jorge Buxadé Villalba, sem er meðlimur VOX flokksins á Spáni. Hann hélt því fram í ræðu, að ESB sé knúið áfram af „loftslagsofstæki, netritskoðun og ofsóknum gegn andófi.“
Sem betur fer eigum við eftir að heyra meira af slíkum gagnrýnisröddum frá flokkshópi föðurlandsvina á ESB-þinginu. Elítan keyrir ótrauð áfram með stríðsundirbúning gegn Rússlandi sem – ef af verður – steypir heiminum í þriðju heimsstyrjöldina með ófyrirsjáanlegum afleiðingum fyrir allt mannkyn.
