Hinn virti prófessor Ole Humlum, telur að engar sannanir séu fyrir því, að loftslagsslys sé í gangi eða yfirvofandi. Hann var með erindi á netmálþingi Iris Climate Science Forum í sumar og rökstuddi mál sitt eins og sjá má á myndbandi neðar á síðunni.
Humlum á sér langan feril í háskólum, söfnum og rannsóknastofnunum í mörgum löndum. Mörg verkefna hans hafa verið á sviði loftslagsrannsókna og hann hefur tekið saman umfangsmikil veður- og veðurfarsgögn til að geta lagt hlutlaust mat á ástand loftslags jarðar. Niðurstöður hans byggjast á þekktum staðreyndum og eru vísindalegar sem er í hrópandi andstöðu við pólitíska rétttrúnaðarnefnd heimsendaspámanna á vegum Sameinuðu þjóðanna sem Evrópusambandið og Gulli græni apa eftir.
Hækkun hitastigs ekki það sem græningjar segja
Niðurstaðan sem Ole Humlum hefur komist að, er að þeir sem eru með hræðsluáróður og heimsendaspár hafa ekkert að koma með, alla vega ekki neitt vísindalegt. Tölur sýna að meðalhiti á heimsvísu hefur hækkað um 0,15 gráður á áratug. Fyrir höfin er samsvarandi tala um það bil 0,037 gráður.
Humlum hrekur einnig fullyrðingar um að veðurafbrigði El Niño og La Niña séu á einhvern hátt afbrigðileg eða að magn CO2 í andrúmsloftinu sé fyrst og fremst af mannavöldum. Prófessorinn dregur úr „ógn“ hækkandi sjávarborðs og að breytingar á hafsvæðum í kringum norðurskautið og Suðurskautslandið verði skelfilegar. Hann telur enn fremur, að þróun hitabeltisstorma og fellibylja og úrkomu á heimsvísu sé hvorki marktæk né til þess að hafa þurfi áhyggjur.
Harðar staðreyndir
Humlum rökstyður fullyrðingar sínar með hörðum staðreyndum og eina ályktunin sem hægt er að draga af athugunum hans er, að engar sannanir eru fyrir neinu „loftslagsslysi.“ Þvert á móti er staðan þannig, að engin ástæða er til að ganga um með loftslagskvíða í maganum. Hafísinn er ekkert að hverfa á norðurskautinu. Né snjómagnið. Breytingar á vindi og stormi eru innan eðlilegra marka. Úrkoma minnkar ekki svo kal myndast heldur hefur hækkað frá 1900. Breytingarnar eru líklegast tilkomnar vegna fækkunar skýja frá 1980.
Hér má lesa um Ole Humlum og fyrirlestur hans má sjá hér að neðan:
