Þjóðólfur rakst á mynd um innflutningsstefnu íslenskra yfirvalda sem deilt hefur verið á Facebook og er mjög vönduð, sneisafull af óhrekjanlegum staðreyndum, þar sem sýnt er fram á afleiðingar galopinna landamæra á Íslandi í dag. Sláandi niðurstaða er sú að innan 2050 verða Íslendingar minnihluti í eigin landi. Myndin er gerð af Opnum Augum og textinn hér að neðan er á heimasíðu þeirra dagsett 11. júní 2025. Við vonumst til að Opin Augu samþykki birtinguna og hvetjum alla til að horfa á myndskeiðið og kynna sér innihaldið sem á erindi til allra landsmanna.
Íslandsheimt
Lausnir / Endurflutningur / Remigration
Stjórnlaus straumur útlendinga inn í landið er hvorki náttúrulögmál né óumflýjanlegur fylgifiskur nútímans. Opin landamæri eru afleiðing vanrækslu, hugleysis og aðgerðaleysis íslenskra stjórnvalda. Af umræðunni er ljóst að almenningur krefst þess að gripið verði til aðgerða í útlendingamálum. Þessi grein fjallar um endurflutning (remigration), skipulagt og mannúðlegt úrræði sem gerir fólki af erlendum uppruna kleift að snúa aftur heim með virðingu og öryggi í öndvegi. Þannig endurheimtum við ættjörð okkar og gerum Ísland aftur öruggt, samheldið og íslenskt.
Undanfarinn áratug hefur meira en fimmtungi íslensku þjóðarinnar verið skipt út fyrir fólk af erlendum uppruna. Ef þessi þróun heldur áfram verða Íslendingar brátt að minnihluta í eigin landi. (sjá 1 og 2 að neðan). Þar sem þessi útskipti hafa átt sér stað án ofbeldis eða átaka er ljóst að það er einnig hægt að snúa þróuninni við og endurheimta þjóðina á friðsaman og skipulagðan hátt, án þess að beita erlenda ríkisborgara óréttlæti eða valdníðslu. Hluti af lausn vandans felst vissulega í því að finna leiðir til að auka fæðingartíðni Íslendinga, sem er nú í sögulegu lágmarki. Við verðum hins vegar að horfast í augu við þá staðreynd að við munum aldrei vinna frjósemiskapphlaupið við þriðja heiminn. Engu að síður getum við kosið að varðveita eigin tilveru. Ef okkur er alvara með að varðveita Ísland—tungumál, menningu og þá einstöku samheldni sem einkennir íslenska þjóð—verða þúsundir einstaklinga frá þriðja heiminum að snúa aftur til síns heima. Vandinn er ekki að við séum of fá—það er einfaldlega of mikið af þeim.
Framkvæmanlegt?
Svarið er einfalt: Ef þessir einstaklingar gátu komið til Íslands, geta þeir einnig snúið aftur heim. Flugvélar fljúga í báðar áttir og fólksflutningar eru ekki einstefna. Enginn gerir athugasemd við að menn flytji milli landa af efnahagsástæðum—vegna atvinnu, húsnæðisverðs eða náms. Ef við getum sætt okkur við fólksflutninga til að koma til móts við stór fyrirtæki, þá hljótum við að geta samþykkt slíka flutninga í þeim göfugri tilgangi að endurheimta landið okkar.
Við getum gripið til fjölmargra aðgerða—löglegra og siðlegra—til að endurheimta Ísland:
● Endurskoðun útlendingastefnu: Leggja niður stefnu fjöldainnflutnings á erlendu vinnuafli og taka þess í stað upp stefnu sem hvetur fólk til að snúa aftur heim.
● Skrúfa fyrir hvatakerfi: Skera niður alla velferðarþjónustu, húsnæðisstyrki, ókeypis heilbrigðisþjónustu og stoppa í göt á vinnumarkaðslöggjöf sem gerir útlendingum kleift að stunda ólöglega starfsemi; leigubílaakstur, sendla án atvinnuleyfis, mansal, o.s.frv.
● Sjálfviljugur endurflutningur með fjárhagsstuðningi: Hvetja menn til heimferðar með fjárhagslegum hvötum að sænskri fyrirmynd (sjá 3).
● Aðstoða rúmlega 150 erlenda fanga, sem nú afplána í íslenskum fangelsum, auk hundraða annarra hættulegra glæpamanna, við að yfirgefa landið ( sjá 4).
● Herða eftirlit á landamærum: Ísland getur hæglega hert eftirlit og takmarkað komu fólks innan gildandi Schengen- og EES-reglna, án þess að rifta samningum (sjá 5).
● Hámarksfjöldi flóttamanna: Takmarka móttöku við 25-50 einstaklinga á ári, líkt og gert var á árunum 1990–2000, eingöngu frá átakasvæðum innan Evrópu (sjá 6).
● Sérstök endurflutningsáætlun: Skipulögð, mannúðleg og traust aðstoð við innflytjendur að snúa aftur til heimalandsins.
Hjálpum þeim heim
Endurflutningur er ekki stefna sem byggir á grimmd, hefndarþorsta eða kynþáttahatri. Endurflutningur byggir á sátt, samstöðu og réttlæti fyrir alla sem málið snertir. Hann gefur bæði Íslendingum og útlendingum tækifæri til að alast upp á kunnugum slóðum sem tilheyra þeim og þeim eingöngu. Ímyndið ykkur að endurheimta þjóðfélag þar sem dætur okkar geta gengið um götur óhræddar að kvöldlagi. Þjóðfélag þar sem ungt fólk hefur efni á að eignast húsnæði og stofna fjölskyldu, þar sem skattfé landsmanna er nýtt í þágu þjóðar í stað þess að halda uppi erlendum glæpagengjum. Þjóðfélag þar sem við getum tjáð skoðanir okkar og rætt vandamál opinskátt án þess að óttast kærur fyrir hatursorðræðu. Endurflutningur snýst um að endurheimta Ísland og endurvekja heilbrigða skynsemi.
Endurflutningur snýst ekki um byltingakennda draumóra. Hann snýst einfaldlega um að standa vörð um íslensku þjóðina—sameiginlegan uppruna, gagnkvæmt traust og stórbrotna arfleifð. Ísland er kannski ekki bezt í heimi en fyrir Íslendinga er ekki til neitt betra. Ísland er land þitt og hér eru okkar rætur og saga, forsendur fyrir þjóðarheill til framtíðar. Íslenskir stjórnmálaflokkar verða að slíðra sverðin og átta sig á að þetta er brýnasta mál samtímans. Skattprósentur, tryggingagjald eða flokksímynd blikna í samanburði við tilvistarvanda þjóðarinnar.
Staðan er langt í frá vonlaus. Við getum endurheimt Ísland og byggt aftur upp þjóðfélag sem einkennist af samheldni, stöðugleika og friði í stað sundrungar og glundroða. Land þar sem börn okkar og barnabörn geta lifað áhyggjulaus og borið höfuðið hátt.
Endurheimtum Ísland!
1
Gylfi Magnússon, „Lýðfræði Íslands án innflytjenda,“ fyrirlestur fluttur á ráðstefnu Þjóðarspegilsins, Háskóli Íslands, Reykjavík, nóvember 2024
2
Fjármála- og efnahagsráðuneytið, Langtímahorfur í efnahagsmálum og opinberum fjármálum, mars 2025. stjornaradid.is
3
„Sweden to pay immigrants $34,000 for voluntary return home,“ Middle East Monitor, 12. september 2024
4
Úlfar Lúðvíksson, „Schengen‑samstarfið voru mistök,“ Morgunblaðið, 24. maí 2025. „þessi opnun landamæra og þessar flóðgáttir … eru afleiðingar þess að [við höfum hleypt] inn hættulegu fólki sem við hefðum ekki átt að hleypa inn í landið.“
5
European Policy Centre, “Temporary Border Controls in the Schengen Area,” EP Think Tank, 17. mars 2020. Í grein 25 í Schengen-samningnum er heimilt að endurvekja landamæraeftirlit innan svæðisins ef „alvarleg ógn við almannaeigu eða innri öryggi“
6
United States Committee for Refugees and Immigrants, World Refugee Survey 2000 – Iceland, 1. júní 2000. Í árslok 1999 hýsti Ísland 63 hælisleitendur og flóttamenn, þar af 44 albanska flóttamenn frá Kosovo.