Soros fjölskyldan er flaggskip glóbalizmans í yfirtöku á auðlindum alheims. „Open Society“ er eitt helsta verkfærið til að sundra þjóðum, skapa óeirðir og ryðja braut þeirra ofsaríku sem koma í kjölfarið og hirða upp eigur almennings eins og hrægammar. Donald Trump er stærsta ógn glóbalizmans og núna kemur Elon Musk með áætlun um hvernig vinna megi gegn áhrifum hinna eyðileggjandi afla.
Alexander Soros hefur tekið við af föður sínum. George Soros, og hann ætlar sér ekki að verða minni hrægammur en pabbinn. Soros yngri var helsti stuðningsmaður Kamala Harris í forsetakosningunum og talsmaður bláu jafnaðarmennskunnar sem bannar að kjósendur geti sýnt fram á hverjir þeir eru með persónuskilríkjum. Enda fór það svo í þetta sinn, að demókrötum mistókst að stela kosningunum. Repúblikanaflokkurinn krafðist skilríkja kjósenda í þeim fylkjum sem repúblikanar eru í stjórn og þá kom vilji kjósenda óhindrað í ljós. Áhrifaaðgerðir Soros fela í sér skorður á lýðræði og takmörkun á frelsi almennings.
Soros yngri, Alexander Soros (skjáskot YoTube).
Aðgerðasveit Elon Musk
Elon Musk fékk nýlega spurningu á fundi í Pennsylvaníu: „Hvað ætlarðu að gera við Soros?“ Herforinginn Gail Alfar birti svar Musk á X :
„Bandaríska PAC er andstæða Soros PAC. Það verður að gera eitthvað í þessu!“
„America PAC“ eru samtök stofnuð af Elon Musk til að styðja við bandaríska hagsmuni. Ekki langt í frá því hvernig samtök Soros starfa en með þeim stóra mun, að þau styðja bandaríska hagsmuni í stað hagsmuni glóbalizta. (PAC: Political Action Committe eða „aðgerðasveitin“).
America PAC is the Anti-Soros PAC
— Gail Alfar (@GailAlfarATX) November 10, 2024
When an audience member during the Town Hall shouted out "What will you do about Soros?" Elon Musk had a ready response.
America PAC will likely work to get DA's elected across America, and cities desperately need this so that people are… pic.twitter.com/MJ6jCraNwe
Lýsir stefnu Soros
Musk kafar djúpt í stefnu Soros í ræðu sinni en Soros hefur einbeitt sér að kosningum til ríkissaksóknara, sem í Bandaríkjunum er pólitískt kjörið embætti. Soros hefur stutt vinstri frambjóðendur á kerfisbundinn hátt í embætti saksóknara, helst aðgerðasinna sem vilja ekki refsa glæpamönnum. Musk segir:
„Þeir setja almenna borgara í steininn og láta glæpamennina ganga lausa. Það er það sem er að gerast og er algjört brjálæði. Það verður að stöðva þetta.“
Hugmynd Musk er að gera hið gagnstæða: Að styðja ríkissaksóknara sem standa fyrir lög og reglu og berjast gegn glæpamönnum og vinna þannig gegn áhrifum Soros.
