Eldur Smári Kristinsson, formaður Samtakanna 22, segir í viðtali í nýjum þætti Ísafoldar, að hann yrði hæst ánægður ef hann nyti aðeins lítils hluta þeirrar velvildar, sem hann mætir í umheiminum, í samskiptum við íslensk yfirvöld. Hann er einn af þeim sem Samtökin 78 ofsækja fyrir að telja kynin vera tvö en slíkt er eitur í beinum samtakanna sem gera mikið úr því að eltast við „villutrúarfólk“ sem ekki játast undir skoðun samtakanna. Eldur lýsti einnig þeirri mismunun í framkomu Ríkisútvarpsins að hann var hafður fyrir rangri sök en fékk ekki að koma til andsvars. Eldur hefur kært RÚV og dóms að vænta í október.
Trans hugmyndafræðin íklæðist gervi mannréttinda en ræðst í hatri gegn öllum þeim sem telja hið eðlilega og sjálfsagða að kynin séu aðeins tvö: karl og kona. Aðskilnaður andans frá efninu til að segjast geta breytt lögmáli náttúrunnar og læknisfræðilegar tilraunir í því skyni hefur eyðilagt líf fjölda ungmenna sem eiga um sárt að binda og geta ekki snúið aftur til baka. Slíkt kukl má kalla Transenstein til samanburðar við Frankenstein.
Nýlega var Páll Vilhjálmsson blaðamaður sýknaður af kæru Samtakanna 78 fyrir hatursorðræðu. Enginn fótur var fyrir kæruatriðum, þar sem Páll var einungis á málefnalegan hátt að lýsa yfir þeirri skoðun sinni, að klámfengið kennsluefni ætti ekki heima í grunnskólum landsins. Páll Vilhjálmsson hefur tvívegis komið í viðtalsþátt Ísafoldar og sagt frá ótrúlegri varnarbaráttu fyrir almenna skynsemi og saklaus börn. En allt er upp í loft í transheimi nútímans eins og hryllileg barnaníðingsdæmi frá Bretlandi, Frakklandi og Bandaríkjunum sanna. Rennir sá raunveruleiki stoðum undir skoðanir fólks eins og Páls Vilhjálmssonar, Elds Smára Kristinssonar og Írisar Erlingsdóttur m.fl. að barnaníðingar sækjast í slíkar hreyfingar til að komast nærri börnum sem þeir girnast. Í þættinum ræddu Eldur Smári og Íris um þau efni sem notuð eru til að reyna að framleiða móðurmjólk í karlmannsbrjóstum eins og sjá má á meme Írisar hér að neðan:
S78 hefur fengið mikla peninga frá skattgreiðendum íslenska ríkisins til mannréttindabaráttu en misnotar féð til að ofsækja og kæra þá sem ekki eru sammála transhugmyndafræðinni.
Eldur Smári Kristinsson er að verða nafn úti í hinum stóra heimi en honum er boðið að halda fyrirlestur núna í haust í Bandaríkjunum á ráðstefnu Genspect og þar mun annar þáttastjórnenda Ísafoldar, Íris Erlingsdóttir einnig mæta og fylgjast með umræðunni og taka viðtöl og skrifa fréttir, svo íslenskur almenningur, sem sveltur er af raunverulegum fréttum um málið geti fylgst með því sem er að gerast
Smelltu á þáttinn hér að neðan til að fylgjast með umræðunni um þessi mál: