Alexander Vucic, forseti Serbíu (mynd © Srpska napredna stranka CC 3.0)
Erlendar leyniþjónustur reyna núna að steypa ríkisstjórn Serbíu af stóli, að sögn forseta landsins, Aleksandar Vucic, samkvæmt frétt Newsweek. En það mun ekki heppnast eins og í Sýrlandi. Vucic segir að hann muni aldrei flýja, eins og fyrrverandi forseti Sýrlands, Bashar al-Assad.
Líkt og í Sýrlandi eru vesturveldin núna sögð reyna að koma á stjórnarskiptum í Serbíu. Forseti landsins, Aleksandar Vucic, heldur því fram að erlendar hersveitir vilji eyðileggja Serbíu og breyta landinu í leppríki.
En Vucic bendir á, að hann muni aldrei víkja. Hann segir á myndbandi:
„Ef þið haldið að ég sé Assad, að ég muni flýja, þá geri ég það ekki.“
Í nóvember voru mikil mótmæli í Serbíu þar sem krafist var afsagnar ríkisstjórnarinnar. Að sögn forsetans snýst þetta í raun um erlend öfl sem vilja losna við ríkisstjórn hans:
„Ég mun aldrei þjóna útlendingum, þeim sem reyna að ná yfirráðum yfir, niðurlægja og eyðileggja Serbíu.“
