Dr. Anthony Fauci bar fyrir sig rétti samkvæmt 5. viðauka stjórnarskrár Bandaríkjanna í upphafsyfirlýsingu sinni fyrir nefnd öldungadeildarinnar um heimavarnir og stjórnsýslumál vegna meintra aðgerða sinna sem sögð eru hafa leitt til COVID-faraldursins og þeirra fjölmörgu ósanninda sem hann á að hafa sagt bandarísku þjóðinni.
„Stórmennið” Fauci mun ekki bera vitni.
BREAKING: Fauci Invokes the Fifth Amendment. pic.twitter.com/ZuA4NAHOP9
— Kyle Becker (@kylenabecker) July 29, 2026
Dr. Anthony Fauci, fyrrverandi forstjóri bandarísku stofnunarinnar um ofnæmis- og smitsjúkdóma (NIAID) og helsta andlit Bandaríkjanna gagnvart COVID-faraldrinum, mætti loks miðvikudagsmorgun 29. júlí fyrir nefnd öldungadeildarinnar um heimavarnir og stjórnsýslumál eftir að hafa verið kvaddur þangað með stefnu.
Yfirheyrslan, sem bar yfirskriftina „Vitnisburður Anthony Fauci“, hófst klukkan 8:30 í fundarsal SD-342 í Dirksen-skrifstofubyggingu öldungadeildarinnar, samkvæmt opinberri tilkynningu nefndarinnar.
Formaður nefndarinnar, öldungadeildarþingmaðurinn Rand Paul (Repúblikani frá Kentucky), þurfti að knýja Fauci til að mæta. Eftir margra mánaða samningaviðræður samþykkti Fauci að bera vitni en dró sig síðan til baka. Paul gaf þá út stefnu.
– Hann mun bera vitni í júlí, sagði Paul og bætti við að tími ábyrgðar væri runninn upp.
Fauci neitaði hins vegar að bera vitni. Margir eru sannfærðir um að Fauci sé sekur. The Gateway Pundit greinir frá:
Þetta er sami Fauci og sagði undir eið fyrir Bandaríkjaþingi að NIH hefði „aldrei fjármagnað og fjármagni ekki nú rannsóknir á svokallaðri viðbótarvirkni (gain of function) við Veirufræðistofnunina í Wuhan“, þrátt fyrir að gögn hafi að sögn sýnt að skattfé bandarískra skattgreiðenda hafi runnið til slíkra rannsókna.
Þetta er einnig sami Fauci og vísaði kenningunni um rannsóknarstofuleka á bug sem „samsæriskenningu“, jafnvel þótt einkaskjöl og tölvupóstar hafi samkvæmt greininni sýnt að snemma hafi komið fram áhyggjur af því að veiran bæri einkenni sem bentu til erfðabreytinga. Þá er hann einnig sagður hafa hlotið fyrirframgefna og víðtæka náðun frá Joe Biden áður en sá síðarnefndi lét af embætti.
Gert var ráð fyrir að Rand Paul myndi yfirheyra Fauci um uppruna COVID-19, fjármögnun Bandaríkjanna á gain-of-function-rannsóknum, meðferð hans á opinberum gögnum og meint misræmi milli fyrri vitnisburðar hans og einkaskrifa sem nýlega hafa verið birt.
Á þriðjudag sagði Paul að bandaríska þjóðin hefði beðið alltof lengi eftir svörum.
– Rótgrónir fjölmiðlar leyfðu Fauci að stjórna því hvernig Bandaríkjamenn lifðu á meðan COVID-faraldurinn stóð yfir og kröfðu hann aldrei um ábyrgð. Því verður ekki gleymt. Á morgun mun ég krefjast raunverulegra svara frá Fauci, skrifaði Paul.
Þessi átök komu í kjölfar þess að Paul birti 1.141 blaðsíðu af einkaskrifum Fauci, sem fengu heitið „Dagbók Tonys“ (Tony’s Diary).
Samkvæmt greininni sýna skjölin að leiðandi veirufræðingar hafi snemma árs 2020 varað Fauci við því að COVID-19 bæri einkenni sem vöktu alvarlegar spurningar um hvort veiran hefði orðið til með náttúrulegum hætti. Að sögn nefndar Pauls töldu um helmingur þeirra vísindamanna sem tóku þátt í upphaflegum símafundi að veiran virtist hugsanlega hafa verið „búin til“.
Fauci hélt síðar opinberlega fram kenningunni um náttúrulegan uppruna veirunnar og vísaði ítrekað grunsemdum um rannsóknarstofuslys á bug. Hann hefur neitað því að hafa staðið fyrir því að hylma yfir uppruna veirunnar.