Forysta Úkraínu er með leyniáætlun um að breyta landinu í óbyggilega geislavirka eyðimörk ef Rússland vinnur stríðið. Þetta segir fyrrverandi þjóðaröryggisráðgjafi Zelenský forseta, Oleksiy Arestovych, í viðtali við úkraínskan blaðamann, að því er Remix News greinir frá.
Samkvæmt Oleksiy Arestovych, sem starfaði áður sem hægri hönd Zelenskýs, þá er þetta taktík „hinnar brenndu jarðar.“ Að sögn Arestovych er Kyrylo Budanov, yfirmaður leyniþjónustu hersins í Úkraínu, sagður hafa komið með þá tillögu að sprengja beri öll kjarnorkuver í Úkraínu – og hugsanlega líka það sem Rússar stjórna – ef allar aðrar „varnir“ mistakast.
Ræddu um að Bandaríkin tækju yfir rekstur kjarnorkuvera
Úkraína hefur fjögur kjarnorkuver með samtals 15 kjarnakljúfa. Þar á meðal er stærsta kjarnorkuver Evrópu, Zaporizhia, sem Rússar stjórna síðan í mars 2022. Samræmd árás á kjarnorkuverin myndi fá skelfilegar afleiðingar. Kjarnorkuslysið í Tsjernobyl árið 1986 – sem leiddi til þúsunda dauðsfalla og langvarandi heilsufarsvandamála – yrði eins og bleik mynd í samanburði að sögn Arestovych. Hann vísar til bandarísku leyniþjónustunnar og segir:
„Þeir vita af áformum okkar um að sprengja öll kjarnorkuverin ef Úkraína bíður ósigur. Við munum deyja og sömuleiðis allir aðrir.“
Aðdragandi þessarar uppljóstrunar er tillaga Donalds Trump Bandaríkjaforseta um að bandarísk yfirvöld taki yfir rekstur kjarnorkuvera í Úkraínu. Að sögn Hvíta hússins var þetta rætt í símtali Trumps og Zelenskýs í síðasta mánuði.
Apahópur með sprengju
Á meðan gagnrýnendur telja að Bandaríkin séu einfaldlega að reyna að ná orkulindum Úkraínu, heldur Arestovych því fram, að markmiðið sé í raun og veru að koma í veg fyrir hræðilegt stórslys. Hann segir að Bandaríkjamenn líti á forystu Úkraínu sem „apahóp með sprengju.“ Arestovych segir rökin á bak við hugsunina vera að taka alla aðra með sér í gröfina. Hlýða má á fyrrum þjóöaröryggisráðgjafa Zelenskýs á myndskeiðinu hér að neðan:
🇺🇸🇺🇦🚨‼️ IMPORTANT: “(The Americans) perceive us as a monkey with a grenade!”
— Lord Bebo (@MyLordBebo) March 22, 2025
(The Americans) know about our plans to blow up all the nuclear power plants, if Ukraine loses.
They are not taking away our property, but want to control the things that are dangerously to humanity.”… pic.twitter.com/uFK673JZxq
Oleksiy Arestovych, sem starfaði áður í hernum, spáði því árið 2019 að Rússar myndu ráðast á Úkraínu innan nokkurra ára. Hann var skipaður þjóðaröryggisráðgjafi árið 2020 en neyddist til að segja af sér árið 2023 eftir að hafa lýst því yfir opinberlega, að sprenging í íbúðarhúsi sem Rússum var kenna um hafi verið af völdum loftvarnakerfis úkraínskra hersins. Vöktu ummæli hans mikla reiði.
Á stríðsárunum var Arestovych hið „mannúðlega andlit“ í Kænugarði og tók afstöðu gegn morðum Úkraínuhers á rússneskum stríðsföngum og hvatningu úkraínska sjónvarpsins um að myrða öll rússnesk börn. Arestovych hefur eftir það haldið áfram að tjá sig um stríðið og gagnrýnir Zelensky harðlega. Hann hefur flúið frá Úkraínu af ótta við handtöku og segist ætla að bjóða sig fram í næstu forsetakosningum.