Umræðuþáttur forsetaframbjóðenda stóru flokkanna í Bandaríkjunum fór fram í nótt að íslenskum tíma. Trump hafði sem fyrr fallist á alla einhliða skilmála stjórnmálaandstæðingsins um hvar, hvenær og hvernig umræðuþátturinn færi fram. Trump mætti eins og venjulega til að ræða málin á meðan Kamala Harris hafði að sögn æft sig með aðstoð leikara í marga daga fyrir fundinn. Margir demókratar voru fljótir til að lýsa yfir „sigri“ Harris yfir Trump. Eftir hrakfarir demókrata með Biden í fararbroddi er það talinn mikill sigur að einhver geti staðið og flutt staðlausa stafi á annan tíma án þess að detta á gólfið.
Alls slags sérfræðingar og áhrifavaldar að ógleymdu öllu fréttafólki glóbalismans, sem hatar Donald Trump og reynir að sjá til þess að ekkert af því sem hann mælir komist óbrenglað til skila til almennings, geystu fram á völlinn eftir þáttinn til að hæla demókrataflokknum. Eiginlega var boðskapurinn sem skrifaður var á himininn án þess að minnst væri á hann berum orðum: Okkur tókst það, Kamala stóð upprétt í einn og hálfan tíma.
Fullyrðingarnar flugu á víxl og staðreyndakönnuðir sveittir við í sín hvoru liði að reikna út lygar andstæðingsins. ABC bauð ekki upp á nein lýðræðisleg tilþrif og hafði Trump þrjá stjórnarandstæðinga gegn sér með þáttarstjórnendunum tveimur ásamt Kamala. Einn hlustandi gagnrýndi ABC fyrir að hafa lagt upp umræðuna í stíl með: „Heyrðu Trump, þú ert bjáni, af hverju ertu það?“ og síðan farið með spurninguna til Kamala Harris: „Trump er bjáni, hvað finnst þér um það?“ Miðað við þetta, þá er ABC stærsti ósigurvegarinn í þessum „umræðuþætti aldarinnar.“
Viljum við frið eða áframhaldandi stríð?
Óvíst er að Biden hefði tekist að ljúga meira en Kamala gerði og mun Þjóðólfur gefa einstökum málefnum og rökum betur skil í framhaldinu. Eitt er ljóst: Verði Kamala Harris kjörin forseti Bandaríkjanna, þá er það óútfyllt ávísun á þriðju heimsstyrjöldina. Valið er því eiginlega ekki svo erfitt: Trump forseti er fulltrúi hins vinnandi Bandaríkjamanns og vill koma á friði. Harris er fulltrúi glóbalismans og vopnarisanna sem vilja stríð.
Sjá má allan umræðuþáttinn á myndbandinu hér að neðan:
