Nýlega héldu danska lögreglan og ríkisstjórnin kreppufund um innflytjendaklíkurnar frá Svíþjóð sem sænskum fjölmiðlum er í mun að kallaðir séu Svíar. Danskir fjölmiðlar eru ögn heiðarlegi og skrifa „sænskir ríkisborgarar“ vegna erlends bakgrunns glæpamannanna.
Barnahermenn keyptir frá Svíþjóð til að drepa fólk í Danmörku
Danski dómsmálaráðherrann, Peter Hummelgaard, segir þróunina í Svíþjóð vera „gjörsamlega sjúka og siðspillta ofbeldismenningu“ sem við viljum ekki sjá í Danmörku. Hann segir:
„Við höfum verið vön því að sjá átök eiga sér stað í glæpsamlegu umhverfi. Það nýja er að við erum líka að fást við danska glæpahópa sem kaupa morðingja – barnahermenn frá Svíþjóð sem hægt er að ráða til að sinna verkefnum í Danmörku.“
Stjórnmálamenn frá hægri til vinstri taka ekki á vandanum
Danir eru ekkert að fela ástæður vandans samanber orð Preben Bang Henriksen, þingmann Frjálslynda flokksins:
„Hvorki borgaralegum né sósíaldemókratískum stjórnvöldum hefur tekist að leysa vandann. Svíþjóð er ógnvekjandi dæmi um hvernig gengur þegar þú eyðir of litlum tíma í málefni innflytjenda og réttarfarsins.“
Danski dómsmálaráðherrann Peter Hummelgaard lofar að gera allt til að vernda Dani og Danmörku. Sambærilegar yfirlýsingar heyrast af vörum sænskra stjórnmálamanna:
Danskir ríkisfjölmiðlar hæðast óspart að Svíþjóð
Í dönskum ríkisfjölmiðlum er hæðst að Svíþjóð fyrir þessa nýju óskemmtilegu útflutningsvöru. Í færslu á Instagram hefur P3 birt skýringarmynd af innflutningi Danmerkur frá Svíþjóð.
Í fjórða sæti eru bílar Ahlgrens (eitt þekktasta sælgæti Svíþjóðar), í þriðja sæti er kexsúkkulaði, í öðru sæti er munntóbak og í fyrsta sæti, langtum hærra en allur annar innflutningur eru leigumorð. Það er tilvísun í glæpamenn í Danmörku sem kaupa glæpamenn í Svíþjóð til að fremja alvarlega glæpi í Danmörku. Í færslunni stendur:
„Kærar þakkir Svíþjóð. P.S. Kæru klíkuforingjar, viljið þið VINSAMLEGAST hætta að ráða morðingja undir lögaldri í Svíþjóð. Við erum mörg sem viljum borða sardínur í dós og drekka skýjað appelsínuvín á Nørrebro án þess að verða fyrir hættulegum skotum. Með fyrirfram þökk.“
