Skúrkurinn Dagur B. Eggertsson, fv. borgarstjóri Reykvíkinga, er svo lélegur karakter að það verður að teljast misráðið af Stefáni Stefánssyni að vera að draga hann inn í þátt sinn Spursmál til að sverta ímynd þáttarins. Hvorki Stefán né hinn viðmælandinn, Hildur Björnsdóttir, oddviti Sjálfstæðismanna í Rvík. komust að vegna málræpu skúrksins. Innihald lóðaleigusamningsins stendur fyrir sínu og málið feikilega viðkvæmt eins og Stefán greindi frá um tilraun RÚV til að þagga niður málið.
Dagur B. sem er að láta Alþingi rannsaka hvernig fjárfestar í fiskiðnaði fjárfesta í öðrum atvinnugreinum, gaf olíufyrirtækjunum nýja viðskiptahugmynd: græða fé á sölu byggingarleyfa á lóðum Reykjavíkurborgar. Það er langsótt hugmynd að hleypa fyrirtækjum inn í starfsemi borgarinnar með þessum hætti svo búast má við að eitthvað meira hangi á spýtunni að tjaldabaki. Varla láta olíufélögin karlinn vera munaðarlausan fyrir alla milljarðana sem þau fá úr ranni borgarbúa á þennan hátt.
Viðtal Stefáns Stefánssonar við Dag B. væri réttlætanlegt tæki sá síðarnefndi út refsingu fyrir allt svindlið og allan skaðann sem hann hefur valdið íbúum borgarinnar. Þá hefði Dagur verið á bak við rimla í fangaklæðum og getað talað um hvernig vinir sínir í valdakerfinu hefðu brugðist. Hann gæti þá hrist fangakeðjuna með kúlunni og talað illa um vonda fólkið, til dæmis Vigdísi Hauksdóttir, sem hvarf af sjónarsviði stjórnmálanna fyrir að segja sannleikann um stjórnarhætti Dags B. hjá Reykjavíkurborg.
Eftirmæli Dags verða þessi:
Dagur, magur fiskur í sjó.
Opnar á sér kokið,
öllu verður lokið.
Vanda, banda,
gættu þinna handa
Fingur, slingur,
varaðu þína fingur.
Fetta, bretta,
svo skal högg á hendi — detta!!