„Hvað gerist í Evrópu eftir nokkur ár?“ spurði sænska sönglistakonan Carola Häggkvist, þegar hún deildi myndum á samfélagsmiðlum af konum sem neyddar eru til að klæðast múslímskum klæðnaði í löndum eins og Írak, Sómalíu, Afganistan og Sýrlandi.
Myndir sýndu samfélögin áður en íslam tók við og konur voru ekki neyddar til að fela sig í búrkum og höfðu sömu réttindi og karlar. Með hömlulausum fjöldainnflutningi til Evrópu er þróunin á sömu leið og landanna sem breyttust í íslömsk ríki.
Sænska dagblaðið Expressen er ósammála Häggkvist sem lætur áhyggjur sínar af framtíð kvenna í Evrópu í ljós. Blaðið hefur rætt við Sami Al Daghistani, dósent í trúarbragðafræði við Rannsóknarmiðstöð Mið-Austurlanda við Háskólann í Lundi, og hann gagnrýnir myndband Carolu og kallar það „vandamál bæði frá fræðilegu og sögulegu sjónarmiði af ýmsum ástæðum.“
Örvæntingarfull gagnvart þróuninni
Þetta er ekki í fyrsta skipti sem Carola Häggkvist lýsir yfir áhyggjum af afleiðingum fjöldainnflutnings á frelsi sem áður var svo sjálfsagt í Svíþjóð. Í viðtali við Svenska dagbladet 2023 sagði hún:
„Ég held ekki að það sé hægt að segja „komdu og lifðu eins og þú vilt í landi okkar“. Það er ekki hugleysi að vernda hefðir Svíþjóðar og syngja „Den blomstertid“ við skólaútskriftir. Stundum verð ég alveg örvæntingarfull yfir þróuninni. Við sjáum afleiðingarnar.
Við hleypum inn fólki og eigum að vera góð við það, sem hefur allt aðra hugmyndafræði en við. Það segir jafnvel í skrifum þeirra að það sé í lagi að ljúga að vantrúuðum.“