Hinn hreinskilni kaþólski leiðtogi, biskup Carlo Maria Vigano, gagnrýnir Frans páfa fyrir hræsni varðandi opin landamæri. Samtímis og Frans rauði prédikar að opin landamæri sé gæfuspor vestrænna þjóða sem eru að brotna undan löglegum og ólöglegum fólksinnflutningi, þá setur Vatíkanið nýjar hertar reglur gegn óboðnum gestum yfir landamæri Vatíkanríkisins.
Carlo Maria Vigano greinir frá því að Soros og aðrir „velunnarar“ niðurrifsafla glóbalizmans eiga heima í brynvörðum húsum sem vöktuð eru af vopnuðum vörðum, á sama tíma og þeir prédika umburðarlyndi og fjármagna íbúaskipti í löndum okkar. Á sama hátt setur Jorge Bergoglio, alias Frans páfi, spámaður inngildingar, prédikari brúarbygginga og niðurrifs múra, lög um eigið heimili sem gengur þvert á það sem hann krefst af öðrum.
Allt að fjögurra ára fangelsi og 3,6 milljón króna sekt fyrir að fara ólöglega inn yfir landamæri Vatíkansins
Tilskipun forseta Páfagarðsnefndar Vatíkansins 19. desember um ólöglega komu á yfirráðasvæði Vatíkansins, kveður á um þyngri sektir og fangelsisdóma fyrir þá sem fara ólöglega inn fyrir landamæri Vatíkansins:
„Hver sem fer inn á yfirráðasvæði Vatíkanríkisins með ofbeldi, hótunum eða blekkingum er refsað með fangelsi frá einu til fjögurra ára og sektum frá € 10.000,00 til € 25,000,00. Innkoma er talin hafa átt sér stað „með svikum“ þegar koman á sér stað með sviksamlegum hætti frá öryggis- og verndarkerfi ríkisins eða með því að komast fram hjá landamæraeftirliti.“
Djúpríkið og djúpkirkjan staðfesta sig sjálf sem svikara og glæpamenn
Bergoglio styður áætlun glóbalizmans með því að misnota vald páfans og brenglar kaþólskt siðferði til að hafa áhrif á innflytjendastefnu þjóðríkja.
Á meðan borgir okkar eru lagðar í eyði og breytt í urðunarstaði fyrir glæpamenn; meðborgararnir eru taldir óboðnir gestir á sínu eigin heimili og verða fyrir ofbeldi, þá horfir djúpríkið og djúpkirkjan niður af óyfirstíganlegum múrum sínum á eyðileggingu samfélags okkar og staðfestir sig sjálfa sem svikara og glæpamenn.
Frans páfi hefur ánægju af því að prédika á Vesturlöndum um gæfu þess að vera með opin landamæri. Augljóslega hlustar Vatíkanríkið ekki á þennan hættulega mann.
