Transkonum verður bannað að keppa í kvennaflokki í flestum innlendum tenniskeppnum í Bretlandi frá og með næsta mánuði. Frá því greinir Independent.
Núverandi reglur Lawn Tennis Association, LTA, leyfa transkonum að keppa sem konur en frá 25. janúar 2025 munu transkonur og einstaklingar sem eru skilgreindir karlkyns við fæðingu aðeins fá að keppa í karlaflokki í tilgreindum keppnum.
LTA hefur ekki lögsögu yfir alþjóðlegum viðburðum eins og Wimbledon eða alþjóða keppnum tennissambandsins, þannig að enn sem komið er mun breytingin aðeins gilda um innanlands tennis. Transkonum er heimilt að keppa í kvennaflokki í WTA og ITF keppnum að því tilskildu að þær uppfylli takmarkanir á testósterónmagni.
Í yfirlýsingu segja tennissamtökin að „meðalmaðurinn hafi forskot þegar hann leikur á móti meðalkonunni.“
Sumir lýsa því að hleypa líffræðilegum karlmönnum inn í kvennaíþróttir sé eins og að leyfa að mótorhjól keppi gegn venjulegum reiðhjólum. Ekki mikið jafnrétti í því.
