Thjodolfur

frjals og fullvalda

Bíll keyrði á mannfjöldann – fleiri manns myrtir og særðir í Kanada

Gústaf Skúlason

Svartur jeppabíll ók inn í mannfjölda á Lapu Lapu götuhátíð Filippseyjabúa í Vancouver í Kanada í nótt. Samkvæmt lögreglunni hafa margir dáið og særst í hryðjuverkinu. Sjónarvotturinn Yoseb Vardeh sagði við Vancouver Sun „að hann hafi séð lík út um allt.“

Vitni segja frá árásinni og dreifa myndböndum á samfélagsmiðlum sem sýna sjúkraflutningamenn hlaupa um á milli matarbása og matarbíla sem hafa orðið fyrir árekstri. Yoseb Vardeh segir:

„Þetta hljómaði eins og einhver bíll væri að gefa í en ég skildi ekki af hverju því það var enn þá fullt af fólki alls staðar. Þetta var allt svo ótrúlegt.“

Lögreglan handtók ökumanninn, þrítugan mann. Ástæða hryðjuverksins er enn óljós.

Mark Carney, forsætisráðherra Kanada, skrifar á X að hann sé „harmi sleginn“ og sendir þeim sem eiga um sárt að binda samúðarkveðjur sínar: „Við fylgjumst náið með málinu.“

Ken Sim, borgarstjóri Vancouver, lýsir einnig yfir sorg sinni á X:

„Við munum veita frekari upplýsingar um leið og við getum, en hingað til getur lögreglan staðfest að við höfum fjölda dauðsfalla og marga særða. Hugur okkar er hjá fórnarlömbunum og hjá filippseyskum íbúum Vancouver á þessum erfiðu tímum.“

Áhugaverðar fréttir

Fara efst á síðu