Þrátt fyrir hörmulega frammistöðu Bidens í kappræðum síðasta vor keyrði hann og teymi hans áfram af fullum krafti í kosningabaráttunni. Samkvæmt Alex Thompson, meðhöfundi Jake Tapper að nýrri bók um Biden „Original Sin,“ ætlaði innsti hringur ókjörinna aðstoðarmanna Bidens í Hvíta húsinu að birta Biden opinberlega öðru hvoru til að sýna og sanna að hann væri á lífi. Sjálfir ætluðu þeir að sjá um daglega stjórnun Bandaríkjanna.
Thompson var á FOX News um helgina og útskýrði þessa djöfullegu áætlun. Real Clear Politics greinir frá:
Shannon Bream, FOX News: Þú vitnar í aðstoðarmann Bidens til lengri tíma sem viðurkennir í raun að hann ætti ekki að bjóða sig fram aftur. Þeir sögðu við þig á bls. 85: „Hann þurfti bara að vinna (kosningarnar) og svo gæti hann horfið í fjögur ár. Hann þyrfti bara að sýna öðru hvoru að hann væri á lífi. Aðstoðarmenn hans gætu tekið við keflinu“ og stjórnað Hvíta húsinu á öðru kjörtímabili Bidens.
Alex Thompson: Þessi einstaklingur hélt áfram og sagði að þegar forseti væri kosinn, þá væri verið að kjósa aðstoðarmennina í kringum hann. En þessir aðstoðarmenn voru ekki einu sinni staðfestir af öldungadeildinni. Þetta eru aðstoðarmenn Hvíta hússins. Þetta var ókjörið fólk. Og eitt af því sem ég held að komi virkilega fram í skrifum okkar er, að þeir sem trúa því – og ég held að margt af þessu fólki trúi því í einlægni að Donald Trump hafi verið og sé tilvistarógn við lýðræðið – þá sé hægt að réttlæta hvað sem er. Eins og að framkvæma ólýðræðislega hluti, sem ég held að sé það sem þessi einstaklingur sé að tala um.
Smelltu á spilarann hér að neðan til að heyra samtalið:
Framsíða nýju bókarinnar sem afhjúpar áætlun aðstoðarmanna Biden að stjórna Bandaríkjunum, þar sem forsetinn væri of sjúkur til að geta sinnt störfum. Halda átti „sýningu“ á forsetanum öðru hvoru til að sýna og sanna að hann væri lifandi.
