Trump léttir af hjartanu í nýju viðtali við Fox News
Bandaríkin eru komin aftur til baka sem ríki sem tekið er mark á í heiminum. Leiðtogar Evrópuríkja sátu við skrifborð forsetans í Hvíta húsinu og ræddu við Donald Trump um að stöðva Úkraínustríðið: Trump sagði í nýju viðtali við Fox News að:
„Fyrir ári síðan hefðu þau ekki komið. Þau hefðu ekki einu sinni hugsað um það. Núna erum við heitasta landið í heiminum. Allir vilja vera hér. Þegar ég hringdi komu þau, það hefði aldrei verið neitt þessu líkt. Þið vitið það hefur verið einn forseti eða einn forsætisráðherra en það hefur aldrei verið slíkur hópur.“
Forsetinn fór ítarlega gegnum aðstæður í friðarumleitunum og sagði að Úkraínustríðið væri erfiðasta stríðið sem hægt væri að leysa en hann sagðist vongóður um að það tækist. Upphaflega hélt hann að hann gæti leyst það jafnauðveldlega og önnur stríð sem staðið hafa miklu lengur eða yfir 30 ár eða eins og í Kongó sem varað hefur í 35 ár. En Úkraínudeilan er erfiðust. Núna er verið að undirbúa fund þeirra Zelenský og Pútíns og Trump sagði að það þyrfti að undirbúa hann mjög vandlega.
„Þetta er algjört klúður. Joe Biden kom þessu af stað. Þetta er stríð sem hefði aldrei átt að eiga sér stað. Milljónir manna eru látnar. Landið er sundursprengt. Úkraína. Það er svo mikil synd. Melania konan mín skrifaði þetta fallega bréf til Pútíns forseta um börn. Börnum er fórnað. Tekin frá heimilum sínum. Allt saman. Þetta er stríð sem hefði aldrei nokkurn tímann gerst ef við hefðum haft forseta – alvöru forseta.“
Lélegasti samningur sem ég hef séð á ævinni
Trump lýsti því, hvernig stríðið hófst vegna Nató og að Úkraína vildi fá Krím til baka. Trump segir að afhending Krímskaga til Rússa vera einn lélegasta fasteignasamning sem hann hafi séð á ævinni og hefur hann séð marga slíka samninga. Obama krafðist þess að Úkraína léti Krím af hendi til Rússa. Trump líkir því við, þegar Ísrael lét Araba fá land á Gaza sem ekki hefur leitt til neins friðar:
„Stríðið byrjaði í rauninni út af Nató og Krímskaga og þeir (Úkraína) vildu fá Krímskagann til baka. Hann var gefinn af Obama forseta sem hleypti ekki af neinu skoti í líklega versta fasteignasamningi sem ég hef nokkru sinni séð. Og ég hef séð þá marga.
Ég myndi segja að Gazaströndin væri einnig frekar vont dæmi. Ísrael gaf hana frá sér til að fá frið. Þeir gáfu frá sér stóran hluta af eignum sínum við hafið til að fá frið. Hvernig hefur það gengið? Ekki svo vel.“
Alfarið Obama að kenna
„Krímskagi er djásn Úkraínu. Ég meina, það er svo fallegt. Og Obama gaf þetta frá sér. Enginn talar nokkru sinni um það. Ef ég hefði gert það einhvern tíman, þá hefði falsfréttamiðlarnir komið á eftir mér, þeir hefðu skrifað um mig dag og nótt í mörg ár. Hann gaf þetta frá sér. Hann krafðist þess að þeir létu skagann fara. Og Rússland kom og tók hann. Tók hann bara eins og sælgæti af barni.
….. Þetta var alfarið sök Obamas. Hann hefur gert þessu landi hræðilegan óleik. Þarna glötuðu þeir hjarta sínu. Þeir glötuðu hjarta og sál Úkraínu fyrir 14 árum fyrir…. Og það var algjör óþarfi að gera það. Allt byrjaði þetta raunverulega, þegar Obama gaf landskikann í burtu. Það hafa einnig verið margir aðrir atburðir sem hafa skapað gríðarlegan fjandskap.“
Nató var nei-nei fyrir Rússland langt á undan Pútín
„Íbúar Úkraínu voru miður sín þegar þetta gerðist. Mikið raunverulegt hatur spratt upp, þegar þeir gáfu það (Krím) og þeir hefðu ekki þurft að gera það. Engu skoti var hleypt af. Þeir tóku bara yfir verðmætasta hlutann og stærsta hlutann sem er umkringdur á fjórum hliðum af hafi. Bara smásund til að komast aftur á meginlandið. Fallegasta eign sem þú hefur nokkurn tímann séð sem fasteignaþróunaraðili. Ég horfi á málið og spyr af hverju í ósköpunum gerði hann þeim þetta? Þess vegna er svo mikil fjandskapur sem kannski er skiljanlegur.
Annar hlutur var Nató. Þeir komu og sögðu – við viljum fá Krímskagann til baka. Þetta var byrjunin. Í fullri sanngirni gagnvart Pútín, – hann gerði góðan samning. Hann fékk þetta frá Obama en þeir sögðust vilja taka það (Krím) til baka. Og því var ekki beint tekið vel sem gengið var frá fyrir um það bil 12 árum áður. Rússland er með kafbátastöð þarna sem var til löngu fyrir Pútín. Hún hefur verið þar lengi og löngu fyrir Pútín. Annað sem þeir sögðu er: „Við viljum vera meðlimir í Nató.“ Báðir þessir hlutir eru ómögulegir því enn og aftur, – löngu fyrir Pútín gilti nei-nei frá Rússlandi eða Sovétríkjunum eða hvaða nafni sem þú velur að kalla þá.“
Smelltu á spilarann hér að neðan til að hlusta á samtalið: