Blaðamannafélag Íslands og RÚV í verktaki fyrir Hamas hryðjuverkasamtökin
Íris Erlingsdóttir skrifar:
„Frétta“stofa RÚV, eins og fjölmiðlar um allan heim, hafa greint frá frétt um fimm Al Jazeera fréttamenn, sem létu lífið í loftárás Ísraela í Gaza. RÚV matreiðir „fréttina“ þannig að Ísraelar hafi „drepið fimm fjölmiðlamenn,“ sem er eins og að segja að bandamenn hafi drepið þá 69 fréttamenn sem talið er að hafi látið lífið í WWII við að flytja fréttir af styrjöldinni.
Hvorki RÚV né stjórn Blaðamannafélags Íslands––sem skoraði „á stjórnvöld að beita sér af auknum krafti og stíga fram enn harðar gegn aðgerðum Ísraela,“ sem félagið lýgur að beinist „að almenningi og blaðamönnum á Gaza,“ enda heimildarmenn þeirra verstu hryðjuverkasamtök heims––áróðurspípur blóðugustu hryðjuverkasamtaka heims minntust á að einn þessara „fréttamanna“ Anas al-Sharif, var stuðningsmaður Hamas og góðvinur hryðjuverkaleiðtogans Yahya Sinwar.
IDF greindi frá að Al-Sharif var yfirmaður hryðjuverkahóps á vegum Hamas og skipulagði eldflaugaárásir á ísraelska borgara: „Upplýsingar og skjöl frá Gasa, þar á meðal nafnalistar, þjálfunarlistar hryðjuverkamanna og launaskrár, sanna að hann var starfsmaður Hamas sem hafði komið sér inn í Al Jazeera.“
Á sama degi og Hamas og palestínskir borgarar slátruðu meira en 1200 Ísraelsmönnum, nauðguðu konum og misþyrmdu ungbörnum, birti al-Sharif á Telegram: „9 klukkustundir og hetjurnar reika enn um landið, drepa og handsama … Guð, Guð, þú ert mikill ❤️❤️❤️“
Myndir sýna Sinwar faðma al-Sharif og blaðamanninn taka sjálfsmyndir með honum og öðrum foringjum Hamas:
En hefðbundnir fjölmiðlar eins og RÚV, sem eru í verktaki fyrir morðóðu svínin í Hamas hafa aðra sögu að segja:
Reuters kallaði þennan hryðjuverkamann „frægan blaðamann Al Jazeera,“ og vitnaði í fréttastofuna sem lýsti honum sem „einum af hugrökkustu blaðamönnum Gasa.“
CNN vitnaði í enskan fréttastjóra, sem sagði að loftárásin væri „að drepa sendiboðann og reyna að útrýma öllum vitnum að grimmdarverkum og þjóðarmorði.“ (Ísraelar eru heimsins lélegustu þjóðarmorðingjar: árið 1948 var íbúafjöldi Gaza 60,000; í dag er íbúafjöldinn um 2.1 milljón. 12 milljónir manna einkenna sig sem „Palestínumenn.“)
BBC kallaði al-Sharif „þekktan fréttamann“ og The Guardian endurtók að al-Sharif væri „þekktur blaðamaður Al Jazeera,“ og birti lengri útgáfu af færslu al-Sharif sem sagði að hann hefði „lifað sársauka og þjáningar í öllum smáatriðum… en samt hikaði ég aldrei einu sinni við að koma sannleikanum á framfæri eins og hann er, án bjagana eða falsana.“ Hamas hryðjuverkamaður myndi að sjálfsögðu aldrei ljúga.
The New York Times vísaði til al-Sharif sem „þekkts fréttaritara Al Jazeera,“ og vitnaði einnig í heilbrigðisráðuneyti Gaza, undir stjórn Hamas, sem fullyrti að Ísrael hefði valdið „61.000 dauðsföllum.“
Þessir „hefðbundnu“ fjölmiðlar eru lygaverksmiðjur í verktaki fyrir hryllilegustu hryðjuverkasamtök heims. Sjá nánar hér.
Íris Erlingsdóttir er fjölmiðlafræðingur