Guðmundur Karl Snæbjörnsson læknir, kunnur sem Kalli Snæ, er ekki aðgerðarlaus í baráttunni gegn hinum skaðlegu mRNA bóluefnum. Hann er með í alþjóðlegum hópi sérfræðinga, NORTH Group, sem nýlega hefur sent frá sér áskorun til yfir 20 ríkisstjórna, forsætisráðherra, heilbrigðisráðherra, félagsmálaráðherra, ríkisstjórna og alþingismanna 16 Evrópuþjóða. Skorað er á viðkomandi að kynna sér skaðlegar aukaverkanir mRNA og stöðva tafarlaust notkun slíkra bóluefna.
Auk ofangreindra aðila var áskorunin send til sex annarra ríkisstjórna víðar um heiminn. Óskað er eftir alvarlegri athygli og athugun viðkomandi stjórnvalda á málinu og lýst djúpum áhyggjum sérfræðinga, fræðimanna, stjórnmálamanna og annarra í aðildarlöndum að NORTH Group um þá mögulegu skaðsemi sem sýnt hefur verið fram á í vísindalegum staðreyndum ólíkra hópa, sem breytt eða þróað mRNA bóluefni geta haft á heilsu og líf þeirra sem gangast undir þessar sprautur, ætlað gegn COVID-19.
Íslendingar í sérfræðingahópnum sem rita undir yfirlýsinguna eru auk Guðmundar Karls Snæbjörnssonar læknis þau Arnar Þór Jónsson lögmaður, Martha Ernstdóttir heilsusérfræðingur, Kolbeinn Normann tannlæknir, Helga Birgisdóttir hjúkrunarkona, Elín Björk Guðbrandsdóttir aðstoðarhjúkrunarkona, Margrét R. Jónasardóttir heilsusérfræðingur, Áslaug Katrín Aðalsteinsdóttir, landslagsarkitekt, Sirry Berndsen heilsusérfræðingur, Helgi Örn Viggósson, tölvufræðingur og Jóhannes Loftsson, verkfræðingur. Mörg þeirra hafa stofnað og eru virk í samtökunum Frelsi og ábyrgð sem staðið hefur fyrir upplýsingum og málþingum um afleiðingar mRNA bóluefna á Íslandi með boði heimsþekktra lækna og vísindamanna til Íslands.
Bréf til ríkisstjórnar, Alþingis og forseta Íslands
Í bréfi til Kristrúnar Frostadóttur, forsætisráðherra, heilbrigðisráðherra og ríkisstjórnar Íslands, alþingismanna og forseta Íslands dagsett 21. desember segir meðal annars:
„Innihaldið mengað-DNA getur skaðað DNA manna, getur leitt til mögulegra breytinga á erfðamengi manna, krabbameina og annarra mjög alvarlegra sjúkdóma.“
Áfram segir:
Sem sérfræðingar, aðrir fagmenn og stjórnmálamenn frá Norðurlöndum, Eystrasaltslöndunum, samtals 16 Evrópuþjóðum og yfir 20 löndum víðs vegar um heim, sem fjölgar stöðugt, þá erum við mjög uggandi yfir áhrifum COVID-19 mRNA bóluefna á íbúa okkar. Við þurfum örugg og áhrifarík bóluefni en viljum beina athygli ykkar að þremur mikilvægum atriðum varðandi notkun mRNA bóluefna sem hafa gríðarlegar afleiðingar fyrir heilsufar íbúanna:
- COVID-19 bóluefni voru aldrei prófuð með tilliti til getu þeirra til að hindra smit á veirunnar. Evrópskir eftirlitsaðilar, ásamt ríkisstjórnum og stjórnvöldum, fóru því með villandi upplýsingar til að þrýsta á fólk að taka þessi bóluefni.
- COVID-19 bóluefni ollu áður óþekktum fjölda tilkynninga um aukaverkanir, þar á meðal dauðsföllum. Endurteknar greiningar opinberra gagna sýna að það var hreinlega happa-og-glappa aðferð varðandi hvaða framleiðslulotu fólk fékk og hvaða aukaverkanir hlaust af þeim.
- Greiningar óháðra vísindamanna sýna að bóluefni frá Pfizer og Moderna voru menguð með breytilegu og óvenjumiklu magni af bakteríu-DNA (E.Coli).
Ofangreind atriði benda til verulegrar en ótilgreindrar áhættu fyrir heilsu manna sem eftirlitsaðilar hafa kerfisbundið forðast að takast á við. Af þessum sökum skorum við á ykkur, í nafni almennings, að:
- Hætta tafarlaust notkun mRNA bóluefna og innkalla þau.
- Hefja óháða og gegnsæja rannsókn á samþykkt þeirra og notkun.
- Leggja fram vísindalegar sannanir sem sýna að engin hætta sé á skemmdum á DNA erfðaefni manna.
Fréttatilkynningu til fjölmiðla má lesa hér að neðan ásamt bréfinu með vísun í vísindaleg gögn, nöfnum undirskrifta og vísindalegri samantekt.
