Það er óskiljanlegt að Úkraína sé að sóa herafla sínum í að ráðast á rússneskt landsvæði. Það fullyrðir John Mearsheimer, prófessor í stjórnmálafræði, í Judging Freedom.
Úkraína hefur ráðist á rússneska héraðið Kúrsk og hefur drepið og sært almenna borgara. Bandaríski stjórnmálafræðiprófessorinn John Mearsheimer skilur ekki hvað Úkraínu gengur til með árásinni:
„Ég skil ekki hvað Úkraína er að gera. Það er mér óskiljanlegt, ég skil ekki hvert hernaðarmarkmiðið er. Reyndar mun þetta, ef eitthvað er, skerða viðleitni þeirra í austurhluta Úkraínu til að stöðva rússneska valtarann sem stöðugt heldur áfram á hverjum degi.”
„Ég meina, að það sem Úkraínumenn hefðu átt að gera við þessar hersveitir sem þeir hafa sent inn í Kúrsk í Rússlandi, er að senda þá í fremstu víglínu í austurhluta Úkraínu til að styrkja herliðið sem rússneski herinn valtar yfir.”
Mearsheimer skilur ekki, hvaða gagn Úkraína hefur af þessari árás innan rússneskra héraða. Hann bendir á, að þetta sé „heimskuleg áhætta á síðustu stundu.” Auk þess er Úkraína sögð hafa beitt úrvalssveitum til árásarinnar.
Þetta gæti einfaldlega hafa verið tilraun til að lappa upp á laskaða ímynd landsins. John Mearsheimer heldur áfram:
„Það má halda því fram með sannfærandi hætti, að þetta hafi verið gert í áróðursskyni. Ég get ekki skilið, hvaða hernaðarlegu þýðingu þetta hefur. Ég get ekki skilið hvernig þetta breytir hernaðarlegu stöðunni.”
Í öðrum þætti segir Douglas Macgregor, að árásin snúist um að „skapa þá blekkingu að enn sé líf eftir í úkraínska hernum og að allir eigi að koma með peninga.“
Hann lýsir því, að það sé ekki mikið mál að fara með mörg hundruð manna herlið inn á illa varið svæði með aðeins 50 lögreglumönnum og drepa saklausa borgara. Hann sér enga aðra skýringu á málinu en að þetta sé áróðursbragð til að blekkja heiminn að enn sé einhver kraftur eftir í úkraínska hernum í því skyni að betla meiri peninga. Macgregor bendir á að Zelensky hafi nýlega keypt víngarð á Ítalíu sem hann og konan geta flúið til, þegar allt fer úr böndunum í Kænugarði. Macgregor segir að búast megi við að sjá svipaðan flótta og hjá herforingjum í Afganistan sem flúðu með ferðatöskur fullar af peningum til Miðausturlanda.
Hlýða má á Douglas Macgregor ræða málin í þættinum hér að neðan:
