Tveir óháðir fræðimenn Patrick Moore til vinstri og P-O Eriksson til hægri hafa óháðir hver öðrum komist að sömu niðurstöðu í loftslagsmálunum. Þeir eru báðir dugmiklir baráttumenn gegn heimsendaboðskap ESB og SÞ.
Umræðan um loftslagslygina vex um allan heim. Í nýjum þætti Swebbtv útskýrir verkfræðingurinn og athafnamaðurinn P-O Eriksson að koltvísýringur sé grundvallarlega nauðsynleg lofttegund sem í augnablikinu er á hættulega lágu stigi. Verði hún helmingi minni, þá er lífríkið í hættu. Það sama segir stofnandi Greenpeace, Patrick Moore í viðtali við Jordan Peterson og segir það tóman þvætting að halda því fram, að jörðinni stafi hætta af 1,5 gráðu hærra hitastigi (sjá myndskeið og graf að neðan).
Íslenskir valdhafar eru múlbundnir á asnaeyrum í uppblásnum þykjustu verkefnum eins og að soga inn koltvísýring úr andrúmsloftinu og dæla niður í jörðu. Sænski verkfræðingurinn og athafnamaðurinn P-O Eriksson segir koldíoxíð vera lofttegund lífs á jörðinni. Hann segir:
„Þetta er algjörlega nauðsynleg lofttegund. Án koltvísýrings værum við ekki til. Og það er orðið svo lítið magn af koltvísýringi að ef okkur tækist það furðuverk að helminga hann, þá myndi gróðurinn hverfa.“
Mikael Willgert þáttarstjórnandi bætir við:
„Þá mun allt líf á jörðinni deyja.“
P-O Eriksson gagnrýndi umhverfisráðstefnuna í Stokkhólmi 1972 sem ályktaði að verið væri að eyða jörðinni og allt að líða undir lok en eftir það hafa auðlindir vaxið:
„ Svo ég áttaði mig á því að það væri alls ekki hægt að treysta þessum stofnunum. Þannig er þetta orðið núna. ESB og SÞ elska að vera með svona verkefni, þar sem þau segja okkur að heimurinn sé að farast og segja svo: Við munum hjálpa þér að bjarga honum.“
Jörðin er ekkert að farast við 1,5 gráðu hækkun á Celsíus
Patrick Moore birti graf sem sýnir hitastig jarðar gegnum tíðina, milljónir ára fram að þessu. Hitastigið hefur oftast verið hærra og hlutfall koltvísýrings í andrúmsloftinu oftast verið meira en núna eins og sést á grafinu hér að neðan. Fjólubláa línan er koltvísýringur og grænbláa línan er hitastig. Hann gagnrýnir harðlega lygina um hamfarahlýnun sem notuð hefur verið óspart til að hræða jarðarbúa að undanförnu.
Hér að neðan má sjá klippu úr viðtali Jordan Peterson við Patrick Moore, stofnanda Greenpeace, og þar fyrir neðan viðtal Swebbtv við P-O Eriksson (á sænsku):
