Það á ekki af Bandaríkjamönnum að ganga. Ógeðsleg morð eins og brjálæðingsins Cecarlos Brown á ungversku stúlkunni Iryna Zarutska sem settist í sætið fyrir framan hann í lestinni i Charlotte, North Carolina og kostaði hana lífið fékk bandaríska íhaldsmanninn og áhrifavaldinn Charlie Kirk til að skrifa orðin „Ameríka verður aldrei sú sama.“ Áður en sólarhringur var liðinn var hann sjálfur allur. Skotinn til bana þar sem hann var að flytja ræðu á fjölmennum útifundi við Utah Valley-háskólann. Kirk var aðeins 31 árs og skilur eftir sig konu og tvö kornung börn. Guð blessi Charlie Kirk. Ameríka verður aldrei aftur sú sama.
Samkvæmt bandarískum fjölmiðlum var Charlie Kirk skotinn í hálsinn. Þrátt fyrir snögg viðbrögð og hann færður á sjúkrahús, tókst ekki að bjarga lífi hans. Talið er að skotið hafi komið frá byggingu um 200 metrum frá senunni þar sem Chrlie Kirk hélt ræðu. Maður sem var handtekinn var ekki morðinginn og hefur verið látinn laus. Ekki er vitað hvort lögreglan hafi handtekið fleiri.
Trump skrifaði á Truth Social:
„Hinn mikli og þjóðsagnakenndi Charlie Kirk er dáinn. Enginn skildi betur eða hafði hjarta æsku Bandaríkjanna en Charlie. Hann var elskaður og dáður af ÖLLUM, sérstaklega af mér, og núna nýtur hans ekki lengur við. Við Melania sendum fallegu konu hans Erika og fjölskyldu samúðarkveðjur okkar, við elskum ykkur!“
VIÐVÖRUN! VIÐKVÆMUM RÁÐLAGT AÐ HORFA EKKI Á MYNDBÖNDIN AÐ NEÐAN!
Myndir frá hinu hrottalegu morði eru um allt á samfélagsmiðlum, viðkvæmum er ráðlagt að stöðva lesturinn hér.