Það eru stjórnmálamenn Evrópusambandsins og Bretlands sem vilja heyja stríð gegn Rússum. Almenningur í þessum ríkjum vill ekki gera það eins og mótmæli í mörgum löndum í Evrópu sýna sem rata þó ekki alltaf í fjölmiðla. Meðal íbúa Evrópu er „enginn áhugi á að hefja stríð gegn Rússum“ segir Lars Bern á Swebbtv.
Í þætti um heimsmálin á Swebbtv ræddu þeir Lars Bern og Mikael Willgert meðal annars um stríðið í Úkraínu.
Úkraínustríðið hefur staðið yfir núna í þrjú ár og Vesturlönd hafa dælt gríðarlegu magni vopna og peninga til Úkraínu. Bara Svíþjóð ein og sér hefur sent 93 milljarða sænskra króna samsvarandi eitt þúsund 254 milljörðum íslenskra króna í drápsvélina.
En það eru ekki íbúar Evrópu sem hafa neinn áhuga á að vera í stríði, heldur eru það stjórnmálamennirnir sem vilja halda stríðinu áfram. Frakkland og Bretland hafa stofnað „bandalag þeirra viljugu“ til að senda hermenn til Úkraínu. Í skoðanakönnun í byrjun apríl í Póllandi sögðu 56% Pólverja vera örugglega og líklega gegn því að Pólland sendi hermenn til Úkraínu. Aðeins 10% studdu þá hugmynd.
ESB-skrímslið er að hervæðast fyrir ótrúlegar fjárhæðir að upphæð 9.000 milljarða sænskra króna sem eru um 121 þúsund 356 milljarðar íslenskra króna. Það samsvarar tæplega 90 fjárlögum íslenska ríkisins miðað við ár 2024. Af því sést að markmið númer eitt hjá ókjörnum, ólýðræðislegum stjórnendum Evrópusambandsins er að byggja upp herveldi fyrir komandi heimsstyrjöld við Rússland.
Lars Bern segir í Swebbtv:
„Meðal almennings í Evrópu er enginn áhugi á að hefja stríð gegn Rússum, það eru bara stjórnmálamennirnir sem vilja það.“