Allir ESB-þingmenn Svíþjóðar greiddu atkvæði með þriðju heimsstyrjöldinni

Myndin sýnir ESB-þingmenn Svíþjóðar 21 að tölu.

Evrópusambandið ætti að ljúga meira um að það sé því að þakka, að friður hélst í Evrópu eftir seinni heimsstyrjöldina. Eins og Þjóðólfur greindi frá í gær, þá samþykkti ESB-þingið með 425 atkvæðum gegn 131 (63 sátu hjá) að allar hömlur á notkun langdrægra vopna til árása á Rússland yrðu tafarlaust afnumdar í sambandsríkjunum. Þriðja heimsstyrjöldin og kjarnorkustríð knýr að dyrum. Svíar geta grafið og gleymt sögu og heiðri sínum sem þjóð friðar í meira en 200 ár, allir 21 ESB-þingmenn Svía greiddu atkvæði með árásartillögu ESB.

Það voru ekki bara Nató-sinnar í flokki Sósíaldemókrata, Móderata og Frjálslyndra, sem greiddu atkvæði með þriðju heimsstyrjöldinni heldur einnig Umhverfisflokkurinn, Svíþjóðardemókratar, Vinstriflokkurinn, Miðflokkurinn og Kristdemókratar.

Samningaviðræður útilokaðar við Rússland – stríð þar til „Úkraína sigrar”

Ályktunin útilokar allar samningaviðræður við Rússland. Sambandsríki ESB eiga að styðja Úkraínu hernaðarlega „á allan hugsanlegan hátt, þar til Úkraína sigrar.” Samkvæmt ályktuninni sem Þjóðólfur birti á ensku í gær, er friður eingöngu mögulegur á einhliða „skilmálum Úkraínu.” Samkvæmt Fria Tider fær Úkraína sænsk-þýskar eldflaugar sem hægt er að nota til sprengjuárása á Moskvu. Þýskaland hafði áður en ályktunin var samþykkt sagt, að Þýskaland samþykki ekki notkun langdrægra eldflauga á skotmörk eins og Moskvu.

71% þýskra ESB-þingmanna greiddi atkvæði. 17 af 96 ESB-þingmönnum Þjóðverja valdi að sitja hjá. Einungis 2 af 20 ESB-þingmönnum Ungverjalands studdu ályktunina. Í Svíþjóð greiddu allir 21 ESB-þingmenn með árásum á Rússland. Meira að segja þykjustu friðardúfur Vinstri flokksins Hanna Gedin og Jonas Sjöstedt kusu opnun pandóruöskju Ragnaraka fyrir mannkyn. Í síðustu ESB-þingkosningum sem veitir fulltrúum aðildarríkjanna sæti á samkomu án lagavalds sem er í höndum framkvæmdastjórnarinnar, var kosningaþátttakan í Svíþjóð 53,4% sem þykir mikið, því þátttakan var aðeins 37,9% ár 2004. 66,6% sænskra kjósenda tóku ekki þátt sem má að mestum hluta rekja til andmæla og áhugaleysis. 100% sænskra ESB-þingmanna eru þannig ekki fulltrúar fyrir sænska kjósendur í máli sem ætti að þurfa tvo þriðju hluta þingmanna til að ná fram að ganga.

Nöfn sænsku þingmannanna

Hér að neðan má sjá nöfn sænsku ESB-þingmannanna sem tryggðu, að ESB gerir allt sem það getur til að fara til sögunnar sem grimmasta hernaðarbandalag Evrópu frá dögum Hitlers.

Sósíaldemókratar