Aðvörun: Íslendingar þurfa að gæta sín á undirbúningi á pólitískri valdatöku íslam

Nútíminn greinir frá heimsókn Yasi Qadhi sem er bandarískur íslamskur fræðimaður og prédikari. Ávarpaði hann söfnuð múslima á Íslandi og sagði: „Það sem þið gerið mun móta framtíð íslams á Íslandi næstu 300 árin“.

Ummæli bandaríska íslamska fræðimannsins Yasir Qadhi í heimsókn til Íslands hafa vakið athygli. Í ávarpi til múslima á Íslandi hvatti hann söfnuðinn til að líta á sig sem kynslóðina sem væri að leggja grunn að framtíð íslams hér á landi og sagði að það sem þeir gerðu í dag myndi „móta framtíð þessarar trúar næstu 300 árin“.

Qadhi lýsti íslenskum múslimum sem frumkvöðlum og líkti stöðu þeirra við fyrstu fylgjendur Múhameðs í Medínu. Hann sagði þá bera trúarlega skyldu til að stunda dawah, eða boðun íslams, meðal samborgara sinna og hvatti þá til að verða „táknmyndir og sendiherrar íslams“. Það sem Qadhi sagði hins vegar ekki var að Múhameð jók fyrst fjölda fylgjenda sem heilagastríðsmaður með jihad sverðsins.

Frá 610 til 622 e.Kr breiddist íslam út með prédikunum Múhameðs. Hann náði aðeins 150 fylgjendum á 13 árum.

Eftir ﬂutning Múhameðs til Medínu innleiddi hann ofbeldisfullt jihad og neyddi vantrúaða til undirgefni. Á næstu 10 árum snerust um 100.000 manns til íslams.

Þá sagði hann að núverandi kynslóð múslima væri að skapa arfleifð sem komandi kynslóðir myndu byggja á og bætti við:

„Allah kaus ykkur. Ykkar kynslóð er að leggja grunn að íslam í þessu landi.“

Í lok ræðunnar sagðist hann vona að íslam myndi „blómstra í þessu landi, eins og trúin blómstrar nú þegar í svo mörgum öðrum löndum“.

Ummælin hafa vakið spurningar um hvert markmið trúboðsstarfs íslamskra samtaka á Íslandi sé til lengri tíma litið. Gagnrýnendur telja að orð Qadhi sýni að horft sé til margra kynslóða þegar kemur að útbreiðslu íslam og að mikilvægt sé að opin umræða fari fram um hvernig íslenskt samfélag bregðist við auknum áhrifum íslam og breytingum á lýðfræði landsins.

Aðrir benda hins vegar á að trúfrelsi sé verndað í stjórnarskrá og að trúfélög, hvort sem um ræðir kristin, múslimsk eða önnur, hafi almennt rétt til að boða trú sína innan marka laga. Þjóðólfur hefur nýlega verið með skóla í íslam þar sem skýrt er frá skiptingu íslam í trúarlegan hluta og hið pólitíska íslam sem leitast við að taka yfir ríki og gera að íslömskum ríkjum. Meirihluti texta Kóransins fjallar um hvernig múslimir eigi að vera gagnvart villutrúarmönnum og tilheyrir sá hluti hinu pólitíska íslam. Þar er ýmislegt leyft, til dæmis að nota trúaríslam sem plóg fyrir hið pólitíska íslam sem kemur í kjölfarið. Þess vegna er full ástæða fyrir Íslendinga að verja kristna trú sína og kirkjur og kristna menningu á Íslandi og hafa gætur á vexti íslam í landinu.

Ræða Qadhi undirstrikar að leiðandi íslamskir fræðimenn líta á Ísland sem land þar sem unnið sé markvisst að uppbyggingu íslamsks samfélags til langs tíma samanber mynd hér að neðan, þar sem múslímir fagna náttúru Íslands sem sköpun Allah sem gjöf til múslima.