Staðfest hefur verið að á þriðja hundruð manns hafi látist í þeim víðtæku flóðhremmingum sem Spánverjar hafa orðið fyrir. Spænskir fjölmiðlar greina frá þessu.
Á föstudaginn tilkynntu almannavarnir á Spáni, að 202 hafi dáið í Valencia-héraði í austurhluta landsins sem er það svæði sem hefur orðið verst úti. El País skrifar að amk. þrír til viðbótar hafi látist í nágrannaríkjunum Andalúsíu og Kastilíu-La Mancha.
1.900 manns er enn saknað, þannig að dánartölurnar eiga enn eftir að hækka mikið.
Flóðgátt af himnum ofan
Flóðahamfarirnar hófst með úrhellisrigningu á þriðjudag. Á sumum svæðum, sérstaklega norður af borginni Valencia, féllu meira en 200 millimetrar af rigningu á örfáum klukkustundum. Yfirstandandi flóð eru verstu náttúruhamfarir á Spáni í manna minnum.
Flóðin komu mörgum Spánverjum í opna skjöldu og þúsundir sátu fastir á heimilum sínum eða vinnustöðum án þess að komast í burtu. Neyðarköllum rigndi yfir lögregla og neyðarþjónustu á skömmum tíma og álagið svo mikið að hjálparþurfandi var gert að hafa samband á samfélagsmiðlum um aðstoð.
Myndir af hamfarasvæðinu sýna ótrúlega eyðileggingu, þegar hús og bílar hafa sópast með í flóðunum.
Gríðarleg reiði er meðal margra Spánverja vegna skriffinnskufargans og viðbragsvandræða yfirvalda. Meðal annars var gerður aðsúgur að Spánarkonungi sem heimsótti svæðið og leir kastað á hann og hann kallaður „morðingi.” Sjá má myndskeið að neðan, þar sem kóngur og fylgisfólk mætir reiðum fjöldanum:
