Ný skoðanakönnun sýnir að meirihluti Þjóðverja vill að Olaf Scholz kanslari hefji aftur beinar viðræður við Vladimír Pútín Rússlandsforseta til að binda enda á stríðið í Úkraínu.
Samkvæmt könnun Yougov, sem gerð var á vegum þýsku fréttastofunnar DPA, styðja 59% aðspurðra símtal milli leiðtoganna tveggja en 26% eru andvíg hugmyndinni og 15% eru óviss.
Sérstaklega er stuðningur við endurupptöku friðarviðræðna Scholz við Pútín mikill í austurhluta Þýskalands, þar eru 68% hlynnt viðræðum við Moskvu.
Scholz og Pútín hafa ekki talað saman síðan í desember 2022 en vangaveltur eru á kreiki um hugsanlegt símtal fyrir G20 leiðtogafundinn í Rio de Janeiro í næsta mánuði.
Olaf Scholz hefur áður lýst yfir vilja sínum til að hefja friðarviðræður við Pútín þegar tími gefst til, auk þess sem hann hefur lagt áherslu á mikilvægi þess að hafa Rússa með í friðarráðstefnum í framtíðinni. Á sama tíma fer fram lífleg umræða í Þýskalandi um hvernig hugsanlegt friðarsamkomulag geti litið út. Samkvæmt könnuninni styðja 45% aðspurðra málamiðlanir um landsvæði en 39% eru á móti því að Úkraína þurfi að afsala Rússum land.
