Frelsisvindar blása í Rúmeníu. Þjóðin rís upp gegn svindli ESB-elítunnar. Eftir ógildingu löglegra kosninga þegar Calin Georgescu vann fyrri umferð forsetakosninganna, þá gerðu yfirvöld sér lítið fyrir og handtóku hann, þegar hann var á leið til að skrá framboð sitt í annað sinn til forseta Rúmeníu. Ásakanir yfirvalda eru eins og útklippt samsæriskenning: Georgescu er ásakaður umr að vera fasisti, brjóta haturslög og handbendi erlendra afla. Í sögulegum krafti ættjarðarástar rísa reiðir Rúmenar upp gegn kúgun yfirvalda sem hunsa lýðræðið.
Hundruð þúsunda Rúmena fylltu götur höfuðborgarinnar. Þeir voru þarna til að verja land sitt, þjóð sína og framtíð, – þeirri framtíð sem glóbaliztarnir reyna að stela. Fréttaritari sænska Frihetsnytt var á staðnum og varð vitni að uppreisn Rúmena gegn fasískum öflum sem eru að taka af þeim lýðræðið.
Þjóðarvakning – Rúmenir rísa upp til verndar lýðræðinu
Það er langt síðan að jafnmikil mótmæli hafa átt sér stað í Búkarest, höfuðborg Rúmeníu, eins og laugardaginn 1. mars. Margar heimildir segja að þátttakendur hafi verið um 200.000. Eflaust segja fjölmiðlar glóbalizmans ekki eitt orð um þessi mótmæli. Reynt verður að þagga lýðræði Rúmeníu í hel. ESB fer sínu fram hvað svo sem fólki finnst. Varaforseti Bandaríkjanna J D Vance hafði á réttu að standa, þegar hann lýsti yfir áhyggjum af þessari þróun á öryggisráðstefnunni í Munchen.
Hundruð þúsunda fósturlandsvina og baráttumanna frelsis komu saman víðs vegar að í Rúmeníu til að vera með í „Mótmælum fyrir virðingu þjóðarinnar.“ Mannfjöldinn fór um götur Búkarest og safnaðist að lokum saman við stjórnarhöllina á Sigurtorginu, Piața Victoriei.
Fréttaritari Frihetsnytt lýsir andrúmsloftinu:
„Ég gekk fram hjá Sigurtorginu um tíuleytið. Þetta er mikið svæði og þangað fara fjölskyldur um helgar og heimsækja söfn. Í dag var torgið fullt af fólki. Fjöldi fólks hafði safnast saman við háskólann. Sumir höfðu klifrað upp í háskólann og veifuðu fánum. Orka mannfjöldans var ótrúleg! Fólk hélt á innrömmuðum ljósmyndum af Călin Georgescu. Talað var um fullveldið, að við ættum að ganga úr ESB. Talað var um spillinguna og að erlendir hagsmunir stjórnuðu okkur.“
Georgescu: Ég mun ekki gefast upp!
Foringi frelsisbaráttunnar, forsetaframbjóðandinn Georgescu hélt magnaða ræðu:
„Þetta er bara byrjunin! Þeir vilja stela atkvæðum fólksins en við leyfum þeim það ekki! Rúmenía tilheyrir okkur, ekki glóbaliztunum!“
Giorgio Simion foringi Borgarabandalags Rúmeníu sést hér til vinstri við Calin Georgescu. Simion gagnrýndi valdaelítuna harðlega:
„Þeir ljúga, þeir svíkja og þeir ofsækja alla sem gagnrýna stjórn þeirra! En lítið í kringum ykkur – þjóðin hefur vaknað!“
Fréttaritari Frihetsnytt skrifar:
„Fólk telur að byltingin 1989 hafi verið fölsk bylting. Að valdið á bak við Ceaușescu [kommúnistaleiðtoginn sem tekinn var af lífi 1989] hafi viðhaldist allan tímann. Að sama elítan hafi stjórnað í gegnum mismunandi flokka. Núna segja menn, að þetta sé hin raunverulega bylting – sú sem aldrei varð árið 1989.“
„Margir þátttakendur telja að baráttan snúist um að tryggja sjálfsákvörðunarrétt þjóða í Evrópu og framtíðartilveru þjóðríkjanna. Það var sterk tilfinning mótmælenda að þeir væru ekki aðeins að vinna fyrir eigið land heldur alla Evrópu. „Við verðum að fara fyrir og vísa leiðina og veita öðrum þjóðum innblástur – því þær hafa ekki enn áttað sig á alvarleikanum“ sagði einn fyrirlesaranna.“
Ofsóknir yfirvalda hryllir þjóðina
Georgescu vann yfirburðasigur í fyrstu umferð kosninganna í nóvember. Eftir það hefur verið hundeltur af valdhöfum. Tveimur dögum eftir að sigur hans var ógiltur af stjórnlagadómstóli landsins var hafin ófrægingarherferð gegn honum. Skyndilega var hann sakaður um „falskar upplýsingar“ og „erlenda fjármögnun“ – í beinni tilraun til að rústa honum sem frambjóðanda fólksins.
Fréttaritari Frihetsnytt segir:
„Þeir réðust inn á heimili vina hans, þeir leituðu að minnstu smáatriðum til að nota gegn honum. Ef þeir fundu ekki neitt nægjanlega stórt þá bjuggu þeir til eitthvað annað í staðinn. Þetta er pólitísk hryðjuverkjastarfsemi!“
Rúmenski fáninn allsráðandi – enginn ESB fáni
Mótmælin voru á þjóðlegum grunni og þúsundum rúmenskum fánum var veifað. Hvergi sást til ESB fánans, fólkið mótmælir eitruðum fálmurum frá Brussel. Frihetsnytt skrifar áfram:
„Fólk er mjög meðvitað um alþjóðahyggjuna, glóbalizmann. Fólk sér í gegnum það sem er að gerast. Þetta var þjóðhátíð, kærleiksrík samkoma. Ég hef aldrei séð jafn mikla samveru á ævinni. Fólk var klætt eins og forn Dakíumenn, svipað og víkingar í Svíþjóð.“
Ríkisstjórnin í Búkarest stendur frammi fyrir örlagaríku vali: að hlusta á þjóðina eða eiga á hættu á að verða sópað burtu af vindum sögunnar. Ef Georgescu verður meinað að bjóða sig fram í kosningunum í maí gæti það orðið neisti sem kveikir þjóðarbyltingu. Þetta voru önnur stóru mótmælin og búist er við fleirum. Stjórnin reynir að stöðva Georgescu en því meira sem þeir þrýsta honum niður, þeim mun sterkari verður andspyrna þjóðarinnar.
Þjóðin hefur fengið nóg og ætlar ekkert að víkja.
