Thjodolfur

frjals og fullvalda

12 þúsund „antifasistar“ í mótmælum gegn Valkosti fyrir Þýskaland – 6 lögreglumenn særðir – 35 handteknir

Gústaf Skúlason

Um það bil 12.000 öfga-vinstri „andfasistar“ réðust á þing stjórnarandstöðuflokksins AfD í Riesa í Austur-Þýskalandi á laugardag. Reistu þeir vegatálma, réðust á farartæki og kröfðust skilríkja á meðan lögreglan horfði á. Hinir svokölluðu Andfasistar sögðu síðan stoltir frá árásum sínum á þýska lýðræðið á samfélagsmiðlum.

Félagasamtökin „Campact“ sem þiggja fjárstuðning George Soros sendi herþjálfaða vígasveit sína Black Bloc á yfir 200 rútum alls staðar frá Þýskalandi til Riesa.

AfD mælist næststærsti flokkur Þýskalands um þessar mundir og fékk 2% til viðbótar eftir X viðtal Elon Musk við flokksformanninum Alice Weidel á fimmtudag. Flokkurinn mælist núna með 22%. Um 30 ofbeldisfullir andfasistar réðust á brynvarðan Mercedes bíl Weidel á leið sinni á þingið í Riesa í Saxlandi.

Andfasistarnir skipulögðu sig að hætti hersveita í litamerktum vígahópum og reistu vegatálma á vegum inn í Riesa. Stöðvuðu þeir bíla og kröfðust þess að sjá skilríki fólks til að bera saman við meðlimalista AfD sem þeir höfðu undir höndum. Var meðlimum AfD snúið við á meðan lögreglan horfði á.

Liðsmenn AfD greindu frá því að þeir hefðu verið leiddir afvega í allt að fimm til sex klukkustundir á leiðinni á þingið. Lýðræðisflokkar þurfa að halda þing til þess að vera gjaldgengir í þýskum kosningum.

Þingið opnaði tveimur tímum of seint á laugardag. Að minnsta kosti sex lögreglumenn slösuðust og 35 voru handteknir.

Árásin á lýðræðið var skipulögð og fjármögnuð af vinstrisinnuðu tengslaneti í kringum George Soros sem fjármagnar „Campact“ – þýsku útgáfuna af „MoveOn“ sem Soros/Podesta styrkja. Open Society Foundations styrkti „Campact Democracy Foundation“ með $300,000 ár 2021. Antifasistabandalagið, VVN-BdA, sem er nefnt „leiðtogasamtök róttækra vinstri sinnaðs andfasisma“ af lögreglunni í Bæjaralandi er skráð fyrir reikningnum sem fékk peningana.

Áhugaverðar fréttir

Fara efst á síðu