Umheimurinn undrast harkalega framkomu breskra yfirvalda á Bretum sem hafa mótmælt þvinguðum fjöldainnflutningi og fjölmenningu. Nú er svo langt gengið að yfivöld eru farin að handtaka börn sem hafa komið við sögu, sem er tilfellið með 11 ára barn.
Margir hafa áhyggjur af því sem er að gerast í Bretlandi og vara við því að landið sé að þróast í einræðisátt. Undir stjórn Keirs Starmer forsætisráðherra hefur dómskerfið tekið hart á þeim sem tóku þátt í miklum mótmælum gegn fjöldainnflutningi eftir að þrjár stúlkur voru stungnar til bana af 17 ára Rúanda.
Yfirvöld handtaka ekki einungis fólk sem hefur mótmælt á götum úti, heldur einnig þá sem hafa gagnrýnt innflytjendastefnu yfirvalda á samfélagsmiðlum. Hafa margir slíkir verið handteknir og ásakaðir um „uppreisn.“
Börn handtekin
Enginn með skoðanir gegn hömlulausum fólksinnflutningum virðist lengur geta verið öruggur. 11 ára piltur var handtekinn í bænum Middlebrough fyrir að hafa tekið þátt í mótmælunum, segir í frétt Sky News. Handtakan var gerð í árás, þegar lögreglan handtók 15 manns á aldrinum 11 til 43 ára.
Meðhöndlun Starmer á mótmælunum hefur valdið því að Bretar hata hann almennt. Vinsældir hans hafa hrunið, hann er bannaður á mörgum krám samtímis sem mikil undirskriftasöfnun er í gangi til að krefjast afsagnar hans. Þegar þetta var skrifað höfðu yfir 256.000 manns sett nöfnin á listann.
